-
-
-
ང་ལུ་སྙིང་ལས་དགའ་བའི་
དྲིན་ཅན་སྐྱབས་མགོན་ཡེ་ཤུ།
རེ་བ་ཁོ་ལུ་བསྐྱེད་དེ་
རེ་བའི་འབྲས་བུ་ཐོབ་སོང་།
ཁོ་ལུ་མོས་གུས་སྐྱེད་དེ
སྡིག་ཅན་མི་རིགས་ག་ར།
ཕ་མི་བརྒྱུད་ལས་བསག་པའི་
ལུས་ངག་སྡིག་སྒྲིབ་སེལ་འོང་།
འཛམ་གླིང་མི་རིགས་འགྲོ་བ།
སྡིག་བའི་གཡུལ་ལས་རྒྱལ་ཏེ།
རང་བཞིན་རྙིང་བའི་སྡིག་པ་སྤངས་ཏེ་
གཙོ་བོའི་ཞིང་ལུ་འགྱོ་ཚུགས།
རང་བཞིན་རྙིང་བའི་སྡིག་པ་སྤངས་ཏེ་
གཙོ་བོའི་ཞིང་ལུ་འགྱོ་ཚུགས།
ཡེ་ཤུ་ལུ་འགྱོད་བཤགས་ཞུ་ན་
ཁོ་གིས་མ་བཞེསཔ་མིན་འདུག
ཡིད་དུ་འོང་བའི་ཞིང་ལ་
འགྱོ་ན་མ་ལྷོདཔ་མི་འདུག
དགའ་དགའ་སྤྲོ་སྤྲོ་འབད་དང་
ཐར་པའི་ལམ་ལུ་འགྱོ་ཚུགས།
ཚེ་ད་རེས་སེམས་ལུ་སྤྲོ་བ་
ཕྱི་མ་ཡབ་ཀྱི་སྐུ་མདུན།
དགའ་དགའ་སྤྲོ་སྤྲོ་ངང་ནས་
ཡབ་ཆེན་དཀོན་མཆོག་མཇལ་འོང་།
ཡེ་ཤུ་ལུ་དད་པ་སྐྱེད་དེ་ སྐྱེས་བ་གསར་པ་ཐོབ་འོང་།
-
-
ང་བཅས་ཀྱི་སྐྱབས་མགོན་ཡེ་ཤུ་ཨིན་
འཛམ་བུ་གླིང་གི་དྲིན་ཅན་ཨིན།
ཁོ་ལུ་དད་པ་སྐྱེད་པ་ཅིན་
ཁོ་གིས་མི་ཚེ་གསརཔ་མཛད་འོང་།
ང་བཅས་ཁོ་ལུ་དད་པ་སྐྱེད་
ཁོ་ལུ་ང་བཅས་སྨོན་ལམ་ཞུ།
ང་བཅས་ཁོ་གིས་བྱིན་རླབས་གནང་
ང་བཅས་མི་ཚེ་སྐྱིདཔ་འོངམ་ཨིན།
ཀྱེ་ དཀོན་མཆོག་ དཀོན་མཆོག་ དཀོན་མཆོག་གི་སྲས།
སྐྱབས་མགོན་ སྐྱབས་མགོན་ཡེ་ཤུ་ཨིན།
ང་བཅས་ག་ར་གི་སྐྱབས་མགོན་ཡེ་ཤུ་ཨིན།
ཀྱེ་ དཀོན་མཆོག་ དཀོན་མཆོག་ དཀོན་མཆོག་གི་སྲས།
སྐྱབས་མགོན་ སྐྱབས་མགོན་ཡེ་ཤུ་ཨིན།
ང་བཅས་ག་ར་གི་སྐྱབས་མགོན་ཡེ་ཤུ་ཨིན།
ཁྱོད་ཀྱི་སྐུ་ལུས་རིན་ཆེན་འདི་
འཛམ་བུ་གླིང་གི་བུ་ལོན་དང་།
ག་ར་སྔུག་བསྔལ་ལས་སྐྱབས་པའི་དོན་
རང་སྲོག་ང་བཅས་ཀྱི་དོན་ལུ་གནང་།
འཛམ་བུ་གླིང་གི་དཀོན་མཆོག་ཨིན་
འཛམ་བུ་གླིང་གི་སྐྱབས་མགོན་ཨིན།
ཁོ་ལུ་ག་ར་གིས་བསྟོད་རག་ཕུལ་
ག་ར་ཁྱེད་ཀྱི་སེམས་ལུ་བཟུང་།
-
-
དང་པ་འཇིག་རྟེན་ནང་ལུ་འོང་བའི་དུས་
ལ་ནི་སེམས་ ་ལུ་སྡུག་བསྔལ་གང་ཡོད།
གཉིས་པ་སྐྱབས་མགོན་ཡེ་ཤུ་མཇལ་ཏེ་
ལ་ནི་སེམས་ནང་གི་སྡུག་བསྔལ་སེལ་ཡོད།
གཉིས་པ་སྐྱབས་མགོན་ཡེ་ཤུ་མཇལ་ཏེ་
ལ་ནི་སེམས་ནང་གི་སྡུག་བསྔལ་སེལ་ཡོད།
གཙོ་བོ་ལུ་དད་པ་སྐྱེད་དེ་
ལ་ནི་ཐར་པ་ང་ལུ་གནང་ཡི།
བླ་ན་མེད་པའི་དཀོན་མཆོག་ཁྱོད་ཀྱིས་
ལ་ནི་ལམ་བཟང་ང་ལུ་སྟོན་ཡི།
བླ་ན་མེད་པའི་དཀོན་མཆོག་ཁྱོད་ཀྱིས་
ལ་ནི་ལམ་བཟང་ང་ལུ་སྟོན་ཡི།
བྱ་འདི་ཁྲུང་ཁྲུང་དཀར་པོ་
ལ་ནི་ཤོག་ཐིག་ང་ལུ་གཡར་ད།
ཤོག་ཐིག་དབྱབས་ཅི་དབྱབས་ཅི་
ལ་ནི་གཏམ་བཟང་བཤད་པར་འགྱོ་ནི།
ཤོག་ཐིག་དབྱབས་ཅི་དབྱབས་ཅི་
ལ་ནི་གཏམ་བཟང་བཤད་པར་འགྱོ་ནི།
གཙོ་བོ་ལུ་དད་པ་སྐྱེད་དེ་
ལ་ནི་ཐར་པ་ང་ལུ་གནང་ཡི།
བླ་ན་མེད་པའི་དཀོན་མཆོག་ཁྱོད་ཀྱིས་
ལ་ནི་ལམ་བཟང་ང་ལུ་སྟོན་ཡི།
བླ་ན་མེད་པའི་དཀོན་མཆོག་ཁྱོད་ཀྱིས་
ལ་ནི་ལམ་བཟང་ང་ལུ་སྟོན་ཡི།
-
-
-
༄༅།། ལོ་མང་པོ་སོང་རྗེས་ཡ་ཀོབ་རང་ཉིད་ཀྱི་ཕ་ཡུལ་དུ་ཚུར་ལོག དཀོན་མཆོག་གིས་ཁོ་ལ་རྒྱུ་ནོར་ཧ་ཅང་མང་པོ་ལོངས་སྤྱོད་དུ་སྦྱིན་ཡོད། ཁོས་གཉེན་སྒྲིག་བྱས་པ་དང༌། བུ་ཕྲུག་མང་པོ་སྐྱེས་པ། ཉིན་ཞིག་ལ་ཁོས་ཨེ་སབ་ཉེ་འགྲམ་དུ་ཡོད་པ་ཐོས་པ་དང༌། ད་དུང་མི་དང་རྟ་མང་པོ་ཡོད་པའང་ཤེས་རྟོགས་བྱུང་བས། ཡ་ཀོབ་ཀྱིས་རང་ཉིད་ཀྱི་ཁྱིམ་མིའི་བདེ་འཇགས་ལ་གནོད་པའི་སེམས་ཁྲལ་བྱུང་བས་དཀོན་མཆོག་ལ། བླ་ན་མེད་པའི་དཀོན་མཆོག་ལགས། ཁྱེད་ཀྱིས་ང་སྲུང་སྐྱོབ་གནང་ཆོག་ཅེས་གསུངས་མྱོང་ཡོད། ཨེ་སབ་ཀྱིས་ང་ཚོ་གསོད་ཡོང་སྙམ་པའི་དངངས་སྐྲག་ཆེན་པོ་འདུག་པས། ཁྱེད་ཀྱིས་ང་ཚོ་སྲུང་སྐྱོབ་གནང་རོགས་ཞེས་གསོལ་བ་བཏབ། ཡ་ཀོབ་ཀྱིས་ཕྱུགས་ཟོག་མང་པོ་གྲ་སྒྲིག་བྱས་ཏེ་ཨེ་སབ་ལ་དམིགས་བསལ་གྱི་སྐྱེས་འབུལ་ཞུས་པ་དང༌། ཡ་ཀོབ་ཀྱི་སེམས་ནང་འདི་ལྟར་བསམས། ཨེ་སབ་ཀྱིས་འབུལ་རྟེན་དེ་དག་མཐོང་དུས་ཕལ་ཆེར་རང་ཉིད་ལ་བཟོད་གསོལ་བྱེད་ཀྱི་རེད་ཅེས་སྙམ། ཉིན་དེའི་དགོང་མོ་ཡ་ཀོབ་ཀྱིས་སླར་ཡང་གསོལ་བ་བཏབ། དེའི་ཚེ་མི་ཞིག་སླེབས་ཡོང་སྟེ་ཡ་ཀོབ་དང་ནམ་མ་ལངས་བར་ཤེད་རྩལ་འགྲན། ཡ་ཀོབ་ཀྱི་རྐང་པ་འཆུས་ཀྱང་མུ་མཐུད་དུ་འཐབ་འཛིང་བྱས། ཡ་ཀོབ་ཀྱིས། ཁྱེད་ཀྱིས་ང་ལ་བྱིན་རླབས་མ་གནང་བར་དུ་ངས་ཁྱེད་འགྲོ་མི་འཇུག་ཅེས་སྨྲས། མི་དེས་ཡ་ཀོབ་ལ། ད་ནས་བཟུང་ཁྱོད་ཀྱི་མིང་དེ་ཡ་ཀོབ་ནས་ཡེས་ར་ཨེལ་ཞེས་པར་བསྒྱུར་དགོས་ཏེ། ཅི་རེད་ཟེར་ན་ཁྱོད་ནི་དཀོན་མཆོག་དང་མི་རྣམས་ལ་ཤེད་རྩལ་འགྲན་ནས་རྣམ་པ་རྒྱལ་ཞེས་སྨྲས། དེ་རྗེས་ཡ་ཀོབ་དང་ཨེ་སབ་གཉིས་ངོས་མཇལ་བྱུང་ཞིང༌། ཁོས་ཨེ་སབ་ལ་མགོ་བོ་བསྒུར། ཨེ་སབ་རང་ཉིད་ཀྱི་གཅུང་པོ་ལ་བཟོད་གསོལ་བྱས་ཤིང༌། ཁོ་ཡ་ཀོབ་ཀྱི་མདུན་དུ་སོང་སྟེ་འགྲམ་པ་སྦྱར། གཅེན་གཅུང་གཉིས་ཀའི་མིག་ནས་མཆི་མ་ལྷུང་ཞིང༌། ཕན་ཚུན་ངོ་འཕྲད་བྱུང་བའི་དགའ་སྤྲོ་ཚད་མེད་སྐྱེས་སོ།།
༡ ཡ་ཀོབ་ཀྱིས་སུ་དང་ཤེད་རྩལ་འགྲན།
༢ ཡ་ཀོབ་ཀྱི་མིང་ལ་ཡེས་ར་ཨེལ་ཞེས་སྒྱུར་དགོས་དོན་ཅི་ཡིན།
-
༄༅།། ཨེ་སབ་ཡ་ཀོབ་ཀྱིས་རང་ཉིད་ཀྱི་བྱིན་རླབས་གཡོ་ལེན་བྱས་པར་ཁོང་ཁྲོ་ཆེན་པོ་ལངས། རིབ་ཀཱ་ཡིས་ཡ་ཀོབ་ལ། ཨེ་སབ་ཀྱིས་ཁྱོད་རང་མ་བསད་གོང་ས་ཆ་འདི་དང་ཁ་བྲལ་ནས་སོང༌། ཁྱོད་རང་གི་སྤོ་བོའི་ཕ་ཡུལ་དུ་ཕྱིར་ལོག་ནས་གནས་སྐབས་ཤིག་སྡོད་ཅེས་བསླབ་བྱ་བྱས། དེ་ནས་ཡ་ཀོབ་ཀྱིས་ཐག་རིང་གི་རྒྱང་སྐྱོད་བྱེད་འགོ་བཙུགས། ཉིན་ཞིག་གི་དགོང་མོ་ཁོས་རྡོ་ཆེན་པོ་ཞིག་བླངས་ཏེ་མགོ་སྔས་བྱས་ནས་ཉལ། རྨི་ལམ་ནང་དུ་དཀོན་མཆོག་གི་ཞིང་ཁམས་སུ་ཐུག་པའི་སྐས་ཤིག་ཡོད་པ་དང༌། ཕོ་ཉ་རྣམས་སྐས་ཐོག་ནས་ཡར་འགྲོ་མར་བབ་བྱེད་བཞིན་ཡོད་པ་མཐོང༌། དཀོན་མཆོག་སྐས་ཀྱི་རྩེ་མོ་ལ་བཞེངས་ཏེ། ངས་ད་ལྟ་ཁྱོད་རང་གནས་སའི་ས་ཆ་ཁྱོད་ལ་སྦྱིན་ཆོག ཁྱོད་གང་དུ་སོང་ན་ཡང་ངས་ཁྱོད་སྲུང་སྐྱོབ་བྱེད་ཅེས་གསུངས། ཡ་ཀོབ་གཉིད་སད་དེ་དངོས་གནས་དཀོན་མཆོག་འདི་ན་བཞུགས་འདུག་ཅེས་སྨྲས། ཁོས་ས་ཆ་དེ་ལ་པེ་ཐེལ་ཏེ་དཀོན་མཆོག་གི་བཞུགས་གནས་ཞེས་བཏགས་སོ།།
༡ ཡ་ཀོབ་ས་ཆ་དེ་དང་ཁ་བྲལ་དགོས་བྱུང་བའི་རྒྱུ་མཚན་གང་ཡིན།
༢ རྨི་ལམ་དུ་དཀོན་མཆོག་གིས་ཡ་ཀོབ་ལ་ཅི་ཞིག་གསུངས་པ་རེད།
-
༄༅།། ཨབ་ར་ཧམ་ཚེ་ལས་འདས་རྗེས། ཁོང་གི་ཕྲུ་གུ་ཨི་སཱག་གིས་ཁོང་ལ་དབང་བའི་ཁང་པ་དང༌། ར་ལུག ཕྱུགས་ཟོག རྔ་མོང༌། ཞབས་ཕྱི་སོགས་རྒྱུད་འཛིན་བྱས། སྐབས་དེར་ཨི་སཱག་དང་རིབ་ཀཱ་གཉིས་ལ་ཕྲུ་གུ་མཚེ་མ་ཞིག་སྐྱེས། བུ་ཆེ་བ་ལ་ཨེ་སབ་དང༌། ཆུང་བ་ལ་ཡ་ཀོབ་ཅེས་ཟེར། ཨེ་སབ་ལ་དཀོན་མཆོག་གི་གནང་སྦྱིན་ཆེན་པོ་ཐོབ་རྒྱུ་དང་ཡབ་ཀྱི་བུ་ཆེ་བའི་གོ་ས་ཐོབ་རྒྱུ་ཡིན་པ། ཉིན་ཞིག་ཨེ་སབ་རྔོན་རྒྱག་ཏུ་ཕྱིན་ནས་ཕྱིར་ལོག་སྐབས་ཡ་ཀོབ་ཀྱིས་སྲན་མའི་ཁུ་བ་སྐོལ་བཞིན་ཡོད། ཨེ་སབ་ཀྱིས། ཨོའོ། སྲན་མའི་ཁུ་བ་འདི་དྲི་ཞིམ་པ་ལ། ང་གྲོད་པ་ཧ་ཅང་ལྟོགས་པས། ཅུང་ཙམ་བཏུང་ན་འགྲིག་གམ་ཞེས་དྲིས། ཡ་ཀོབ་ཀྱིས་གཡོ་འཕྲུལ་ངང༌། འགྲིག་དང་འགྲིག འོན་ཀྱང་ཁྱོད་ཀྱིས་རྒྱུད་འཛིན་བྱ་བའི་ཡབ་ཀྱི་དབང་ཆ་དང་རྒྱུ་ནོར་དེ་དག་ང་ལ་འཚོང་དགོས་ཞེས་བཤད། ཨེ་སབ་ཀྱིས་དཀོན་མཆོག་གིས་ཁོ་ལ་གནང་བ་དེ་གཅེས་འཛིན་མ་བྱས་པར་སྲན་མའི་ཁུ་བ་ཕོར་པ་གང་དང་འབྱུང་འགྱུར་གྱི་རྒྱུ་ནོར་བརྗེ་རེས་བྱས། ཨི་སཱག་ལོ་ན་རྒས་ཤིང༌། མིག་གིས་ཀྱང་མི་མཐོང་བར་གྱུར། ཁོས་ཨེ་སབ་བོས་ཏེ། ང་ཚེ་ལས་མ་འདས་གོང་བླ་ན་མེད་པའི་དཀོན་མཆོག་གི་བྱིན་རླབས་ངས་ཁྱོད་ལ་སྟེར་གྱི་ཡིན། མགྱོགས་པ་རི་དྭགས་ཁ་ཤས་རྔོན་རྒྱག་སྟེ་བྲོ་བ་ཞིམ་པོའི་དགོང་ཟས་ཡག་པོ་ཞིག་བཟོས་ཤིག བཟའ་མ་བཟས་ཚར་རྗེས་ངས་སྨོན་ལམ་རྒྱག་ཆོག་ཅེས་བཤད། རིབ་ཀཱ་ཡིས་ཨི་སཱག་གིས་བཤད་པའི་སྐད་ཆ་ཐོས་རྗེས། ཁོ་མོས་ཡ་ཀོབ་གང་འདྲ་བྱས་ཏེ་ཨེ་སབ་ལ་སྤྲོད་རྩིས་ཡོད་པའི་བྱིན་རླབས་དེ་རག་ཐབས་བྱས། ཨི་སཱག་གི་མིག་གིས་མི་མཐོང་བ་ལ་བརྟེན་ནས་ཡ་ཀོབ་ཀྱིས་ཨེ་སབ་ཡིན་ཁུལ་བྱས་ནས་ཨི་སཱག་གི་སྦྲ་གུར་ནང་ཕྱིན། ཨི་སཱག་གིས། ཁྱོད་ངོ་མ་ཨེ་སབ་ཡིན་ནམ་ཞེས་སྦར་མྱུལ་བྱས་པས། ཡ་ཀོབ་ཀྱིས་སྤུ་སོབ་སོབ་ཀྱི་གཅན་གཟན་གྱི་ལྤགས་པ་གྱོན་ཡོད་པས། ཡ་ཀོབ་ཀྱི་གྱོན་པའི་ལྤགས་ཚག་ཨེ་སབ་ནང་བཞིན་སྤུ་སོབ་སོབ་ཡིན་པ་རེད། དེ་ལྟར་ཡ་ཀོབ་ཀྱིས་མགོ་སྐོར་གྱི་རྣམ་པའི་ཐོག་ནས་ཡབ་ཀྱི་སྨོན་ལམ་ཐོབ་པར་བྱས་སོ།།
༡ ཨི་སཱག་ལ་བུ་ག་ཚོད་ཡོད། ཁོ་ཚོའི་མིང་གང་དང་གང༌།
༢ ཨེ་སབ་ཀྱིས་ཅི་དང་སྲན་མའི་ཁུ་བ་ཕོར་པ་གང་བརྗེ་རེས་བྱས་པ་རེད།
