-
༡ སྐྱབས་མགོན་གཙོ་བོ་ཡེ་ཤུ། བླ་མེད་དཀོན་མཆོག་སྲས་དེ། ༢ དེ་རིང་འཛམ་བུ་གླིང་འདིར། ང་ཚོ་སྐྱོབ་པར་ཕེབས་སོ།། ༢ ༢ ཁོང་ལ་མཇལ་འདོད་ཡོད་ན། པེད་ལེ་ཧེམ་ལ་ཕེབས་ཤིག ༢ རྟ་རའི་བྲེས་དཀྱུ་ནང་ལ། སྐྱབས་མགོན་ཡེ་ཤུ་འཁྲུངས་འདུག། ༢ ༣ སུ་ཡང་ཁོང་ལ་དད་ན། ཁོང་གིས་ཐར་པ་གནང་ཡོང་། ༢ ཁྱོད་ལ་ཐར་པ་དགོས་ན། མ་འགོར་མགྱོགས་པོར་ཤོག་ཅིག། ༢ ༤ ང་ཚོ་ཚང་མ་འཛོམས་ནས། ཁོང་ལ་བསྟོད་པ་ཕུལ་ཞིག ༢ དེ་རིང་སྐྱིད་པའི་ཉི་མ། འཛམ་གླིང་ཀུན་ལ་ཁྱབ་སོང་།། ༣
Saviour Lord Jesus (2)
-
༡ སྐྱབས་མགོན་གཙོ་བོ་ཡེ་ཤུ། བླ་ན་མེད་པའི་དཀོན་མཆོག ཁོང་ནི་ང་ཚོ་ལ་ཅི་འདྲ་བྱམས་སོང་། ང་ཚོ་ཁོང་ལ་དགའ་ཞིང་། ཁོང་གི་བཀའ་ལ་ཉན་ན། ཁོང་གིས་ང་ཚོ་ལ་དབང་གནང་བར་འགྱུར། སྐྱབས་མགོན་གཙོ་བོ་ཡེ་ཤུ། བླ་ན་མེད་པའི་དཀོན་མཆོག ཁོང་ནི་ང་ཚོ་ལ་ཅི་འདྲ་བྱམས་སོང་། ང་ཚོའི་སྐྱབས་མགོན་ཡེ་ཤུ། ཁོང་ལ་དད་པ་བྱེད་ན། ང་ཚོའི་མི་ཚེ་སྐྱིད་པོ་ཡོང་བ་རེད། ཅི་འདྲ་བྱས་ནས་ཟེར་ན། ཁོང་ལས་གཟི་བརྗིད་ཆན་བ་སུ་ཡང་མེད། ༢ ཁོང་ལ་དད་པ་བྱེད་མཁན། སུ་ཡང་རིགས་མཐོ་དམན་མེད། ཁོང་གི་ཐར་ལམ་ཅི་འདྲ་བྱམས་པོ། ཁོང་གིས་ང་ཚོ་ཚང་མར། བྱིན་རླབས་གནང་བྱུང་། ང་ཚོས་ཁོང་ལ་གསོལ་བ་འདེབས་རྒྱུ་ཡིན།
Saviour Lord Jesus (1)
-
༡ དཀོན་མཆོག་ཡ་དཀོན་མཆོག་ང་ཡི་སྐྱབས་མགོན། ནམ་མཁའ་ལ་བཞུགས་པའི་དཀོན་མཆོག ཁྱེད་ནི་སྙིང་རྗེ་དང་བྱམས་པ་ཡི་བདག་པོ། འཛམ་གླིང་འདི་ཁྱེད་ཀྱིས་བཀོད་དོ། ང་ཚོ་སྡིག་ཅན་རྣམས་ཀྱི་དོན་དུ། སྐུ་སྲོག་ནི་ཕངས་མེད་དུ་བཏང་སོང་། ང་ཚོའི་སྡིག་པ་ནི་ཁོང་གིས་བསལ་སོང་། ཨེ་མ་འདི་དེ་འདྲ་སྐྱིད་པ། ༢ གྲོགས་པོ་ཡ་གྲོགས་མོ་བདག་གི་སྤུན་ཟླ། དཀོན་མཆོག་ལ་གསོལ་བ་ཐོབས་དང་། ཁོང་གི་ཐར་བའི་ལམ་དེ་འཐོབ་ཡོང་། ངའི་ཡིད་སེམས་དེ་འདྲ་དགའ་བ། ཁོང་གི་རིན་ཆེན་སྐུ་ཁྲག་དེ་ཡིས། ང་ཚོ་ཡི་སྡིག་པ་རྣམས་བསལ་སོང་། མཐའ་མེད་པའི་སྲོག་དེ་ཁྱོད་ལ་འཐོབ་ཡོང་། ཨེ་མ་ང་དེ་འདྲ་སྐྱིད་པ། ༢
God My Saviour
2017
7
-
༡ དཀོན་མཆོག་གིས་ཉིད་ཀྱི་སྲས་གནང་ནས། འཇིག་རྟེན་འདི་ལ་བྱམས་པར་མཛད་དོ། ཁོང་ལ་དད་པ་བྱེད་མཁན་རྣམས་ལ། མཐའ་མེད་པའི་སྲོག་འཐོབ་ཡོང་། བྱམས་པ་ངོ་ཐོག་དེ་ཅི་ཡིན་ཟེར་ན། ངེད་དཀོན་མཆོག་ལ་བྱམས་པ་མ་ཡིན། ཁོང་གིས་ངེད་ལ་བྱམས་པར་མཛད་ཅིང་། སྐྱབས་མགོན་ཡེ་ཤུ་གནང་བ་ཡིན། ༢ ཡེ་ཤུ་ནི་དཀོན་མཆོག་གི་སྲས་ཡིན། ཁོང་གིས་ངེད་ལ་བྱམས་པ་གནང་བས། ང་ཚོ་སྡིག་པ་ནས་ཐར་བར་མཛད། ནམ་མཁའ་ནས་འདིར་ཕེབས་སོ། ཁོང་མ་གཏོགས་སྐྱབས་མགོན་གཞན་ཞིག་མེད། ཁོང་ཁྱོད་ཀྱི་དོན་དུ་སྡུག་བསྔལ་མྱོང་སོང་། ད་ཁོང་གིས་བྱམས་པས་འབོད་བཞིན་འདུག སྡིག་ཅན་རྣམས་ངའི་རྩར་ཤོག
God Gave His Own Son
-
༡ དཀོན་མཆོག་གི་དྲུང་དུ་ལོག དེ་ནས་ཁྱོད་རང་ཐར་ཡོང་། འཕྲིན་བཟང་འདི་དཀོན་མཆོག་གིས། མི་ཐམས་ཅད་ལ་བཏང་ངོ་།། ༢ ༢ ཇག་པ་དང་ཁ་ཆོས་མཁན། སྡིག་ཅན་དང་དྲང་པོ་རྣམས། ཡེ་ཤུའི་དྲུང་དུ་འོང་ན། ཁོང་གིས་ཐམས་ཅད་འདྲེན་ཡོང་།། ༢ ༣ ས་གཞི་ཡོངས་ཀྱི་ཕྱིར། གསོལ་སྟོན་ཆེན་པོ་བཤམས་འདུག སུ་ཡང་འོང་འདོད་པ་རྣམས། ད་ལྟ་མགྱོགས་པོར་ཤོག་ཅིག། ༢ ༤ དཀོན་མཆོག་གི་སྲས་དེ་ལ། ཁྱོད་ཀྱི་སྡིག་པ་བཤགས་ན། ཁོང་གིས་ཡོངས་སུ་བསལ་ཞིང་། མཐའ་མེད་པའི་སྲོག་གནང་ཡོང་།། ༢ ༥ ཁྱོད་ཀྱི་སེམས་ང་ལ་གནང་། ངས་ཁྱོད་སྐྱིད་པོ་བྱེད་ཡོང་། ཁོང་གིས་བྱམས་པའི་སྐད་ཀྱིས། ཁྱོད་ལ་འདི་ལྟར་བསྐུལ་ལོ།། ༢ ༦ ཁྱོད་ཀྱི་ཡབ་ཀྱི་དྲུང་དུ། ད་ལྟ་མགྱོགས་པོར་ཤོག་ཅིག ཁོང་ལ་ཁྱོད་འཇིགས་མི་དགོས། ཁོང་གིས་ཁྱོད་ལ་གཅེས་སོ།། ༢ ༧ ཡེ་ཤུའི་དྲུང་དུ་འོང་མཁན། དེ་ཚོར་ཐར་པ་འཐོབ་ཡོང་། འཕྲིན་བཟང་འདི་དཀོན་མཆོག་གིས། ཡུལ་ཐམས་ཅད་ལ་བཏང་ངོ་།། ༢
Come Back To God
2017
4
-
༡ ཀྱེ། མི་རིགས་ཀུན་ཡ་ཝཱེར་བསྟོད་སྔོགས་ཤིག ཀྱེ། མི་སྡེ་རྣམས་ཁོང་ལ་བསྟོད་སྔོགས་ཤིག ༢ ངེད་ལ་ཁོང་གི་ཐུགས་རྗེ་ཆེ་ལགས་ཤིང་། ཡ་ཝཱེའི་བདེན་ཉིད་རྒྱུན་དུ་གནས་པས་སོ། ༣ ཡ་ཧོ་ཝ་ལ་བསྟོད་པར་གྱིས་ཤིག་ཨང་། ༢
Praise the Lord all Peoples
2017
2
-
༡ ཡ་ཧོ་ཝཱ་ལ་ཀུན་གྱིས་བསྟོད་པར་ཤོག ཁོང་གི་མཚན་ལ་བསྟོད་པར་ཤོག ཡ་ཧོ་ཝཱ་ཡི་ཞབས་ཕྱི་ཁྱོད་རྣམས་ཀྱིས། ཁོང་གི་མཚན་ལ་བསྟོད་པར་ཤོག ཡ་ཧོ་ཝཱ་ཡི་མཚན་ལ་བསྟོད་འོས་ཏེ། ཁོང་གི་མཚན་ལ་བསྟོད་པར་ཤོག དེ་རིང་དུས་ནས་རྟག་ཏུ་བསྟོད་འོས་སོ།། ཁོང་གི་མཚན་ལ་བསྟོད་པར་ཤོག ༢ ཉི་མ་ཤར་ནས་ནུབ་ལ་བཞུད་པའི་བར། ཁོང་གི་མཚན་ལ་བསྟོད་པར་ཤོག ཡ་ཧོ་ཝཱ་ཡི་མཚན་ལ་བསྟོད་འོས་སོ།། ཁོང་གི་མཚན་ལ་བསྟོད་པར་ཤོག ཁོང་ནི་སྐྱེ་བོ་ཀུན་ལས་བླ་ན་མཐོ། ཁོང་གི་མཚན་ལ་བསྟོད་པར་ཤོག ཁོང་གི་གཟི་བརྗིད་ནམ་མཁའ་ལས་ཀྱང་མཐོ། ཁོང་གི་མཚན་ལ་བསྟོད་པར་ཤོག ༣ སུ་ཞིག་རང་ཅག་དཀོན་མཆོག་བཞིན་དང་མཚུངས། ཁོང་གི་མཚན་ལ་བསྟོད་པར་ཤོག བླ་ན་མེད་པའི་གནས་སུ་དཀོན་མཆོག་བཞུགས། ཁོང་གི་མཚན་ལ་བསྟོད་པར་ཤོག གནམ་ས་ཡོངས་ཀྱི་དོན་ལ་གཟིགས་པའི་ཕྱིར། ཁོང་གི་མཚན་ལ་བསྟོད་པར་ཤོག ཁོང་གིས་རང་ཉིད་ལ་ནི་དམའ་བར་འཛིན། ཁོང་གི་མཚན་ལ་བསྟོད་པར་ཤོག ༤ ཁོང་གིས་སྙིགས་རྡུལ་ཚོགས་ལས་དབུལ་པོ་སྐྱོབ། ཁོང་གི་མཚན་ལ་བསྟོད་པར་ཤོག ཁོང་གིས་གད་སྙིགས་ཚོགས་ལས་སྤྲང་པོ་སྐྱོང༌། ཁོང་གི་མཚན་ལ་བསྟོད་པར་ཤོག རྒྱལ་སྲས་དང་ནི་མཉམ་དུ་སྡོད་པ་སྟེ། ཁོང་གི་མཚན་ལ་བསྟོད་པར་ཤོག ས་གནས་རྒྱལ་པོའི་སྲས་དང་སྡོད་པའི་ཕྱིར། ཁོང་གི་མཚན་ལ་བསྟོད་པར་ཤོག ༥ ཕྲུ་གུ་མེད་པ་ལ་ནི་ཁྱིམ་གཞི་དང༌། ཁོང་གི་མཚན་ལ་བསྟོད་པར་ཤོག ཕྲུ་གུ་མང་བའི་བདེ་སྐྱིད་གནང་བ་ཡིན། ཁོང་གི་མཚན་ལ་བསྟོད་པར་ཤོག ཡ་ཧོ་ཝཱ་ལ་ཀུན་གྱིས་བསྟོད་པར་ཤོག ཁོང་གི་མཚན་ལ་བསྟོད་པར་ཤོག ཡ་ཧོ་ཝཱ་ལ་ཀུན་གྱིས་བསྟོད་པར་ཤོག ཁོང་གི་མཚན་ལ་བསྟོད་པར་ཤོག
Psalm 113
274
-
༡ ང་ཡི་སེམས་ཀྱིས་ཡ་ཧོ་ཝཱ་ལ་བསྟོད། ཁོང་གི་བཀའ་དྲིན་གཏན་ནས་བརྗེད་མི་རུང་། ཁོང་གིས་ང་ཡི་སྡིག་པ་ཐམས་ཅད་བསལ་ཞིང་། ང་རང་ན་ཚ་ཀུན་ལས་ཡོངས་སུ་དྲག་པར་མཛད། ཨོ་་་་་་་་ཨོ། དཀོན་མཆོག་ཡ་ཝཱེ། ང་ཡི་སེམས་ཀྱིས་དཀོན་མཆོག་ལ་བསྟོད། ཁོང་གི་བཀའ་དྲིན་བརྗེད་མི་རུང་། གཏན་ནས་བརྗེད་མི་རུང་། ཁོང་གིས་ང་རང་འཆི་བ་ནས་བསྐྱབས། བྱམས་དང་སྙིང་རྗེ་ང་ཡི་ཅོད་པན་དུ་གནང་། ༢ ཁོང་གིས་ང་ལ་བཅངས་པའི་བྱམས་བརྩེ་དེ་ནི། ནམ་མཁའི་དབྱིངས་ལས་ཤིན་ཏུ་མཐོ་བ་ཡིན། ཁོང་གིས་ང་ཡི་སྡིག་པ་ང་དང་གྱེས་པར་མཛད། ཤར་ནུབ་གཉིས་ཀྱི་བར་ཐག་བཞིན་ཏུ་གྱེས་པར་མཛད། ཨོ་་་་་ཨོ། དཀོན་མཆོག་ཡ་ཝཱེ། ཁྱེད་ནི་སྙིང་རྗེའི་བྱམས་པ་དང་ལྡན། ཕུན་སུམ་ཚོགས་པའི་ཐུགས་རྗེ་ཡོད། ཐུགས་རྗེ་ཆེན་པོ་ཡོད། ཡ་ཧོ་ཝཱ་ནི་ཇི་སྲིད་བར་དུ་ང་ཡི་དཀོན་མཆོག ང་ཡི་དཀོན་མཆོག་ཡིན། ༢
Psalm 103
273
-
༡ ཤོག་ཤོག་ཤོག་ཤོག སྤུན་ཟླ་ཚོ། ཡ་ཧོ་ཝཱ་ལ་བསྟོད་དབྱངས་ཕུལ། བསྟོད་དབྱངས་ཕུལ།རང་ཅག་སྐྱོབ་པའི་བྲག་རི་ཆེན་པོ་ལ་ཡེ། དགའ་ཞིང་སྤྲོ་བའི་ཀི་སྒྲ་ཡང་ཡང་སྒྲོགས། ཡང་ཡང་སྒྲོགས། རང་ཅག་རྣམས་ཀྱིས་ཁོང་ལ་དྲིན་ལན་འཇལ། སྤུན་ཟླ་ཚོ། སྙན་ཚིག་ལམ་ནས་ཁོང་ལ་བསྟོད་བསྔགས་བརྗོད། བསྟོད་བསྔགས་བརྗོད། ༢ ལྟོས་ལྟོས་ལྟོས་ལྟོས། སྤུན་ཟླ་ཚོ། ཡ་ཧོ་ཝཱ་ནི་དཀོན་མཆོག་ཆེན་པོ་རེད། ཆེན་པོ་རེད། ལྷ་ཚོགས་ཀུན་ལས་མཆོག་གྱུར་རྒྱལ་པོ་ཡིན། བླ་ན་འཕགས་ཤིང་ངོ་མཚར་ཆེ་བའི་ཕྱིར། ཆེ་བའི་ཕྱིར། ས་གཞིའི་ནང་སྙིང་ཁོང་གི་ཕྱག་ཏུ་མཆིས། སྤུན་ཟླ་ཚོ། རི་རྩེ་མཐོན་པོ་དག་ཀྱང་ཁོང་ལ་དབང༌། ཁོང་ལ་དབང༌། ༣ ལྟོས་ལྟོས་ལྟོས་ལྟོས། ཡུལ་མི་ཚོ། རྒྱ་མཚོ་ཆེན་པོ་ཁོང་ལ་དབང་བ་སྟེ། དབང་བ་སྟེ། ཁོང་གིས་དངོས་སུ་བསྐྲུན་པའི་རྒྱ་མཚོ་ལགས། སྐམ་ས་ཆེན་པོ་སོགས་ཀྱང་ཁོང་གིས་བསྐྲུན། ཁོང་གིས་བསྐྲུན། ང་ཚོ་ཚང་མ་ཁོང་གིས་བསྐྲུན་པ་རེད། ཡུལ་མི་ཚོ། ང་ཚོ་ཚང་མས་ཁོང་ལ་བསྟོད་པ་འབུལ། བསྟོད་པ་འབུལ།
Psalm 95 Come, come, come
272
-
༡ ཁྱེད་ལས་མཐོ་བའི་དཀོན་མཆོག་མེད། ཁྱེད་ནི་བྱམས་པ་ཆེན་པོ་ཡིན། ང་ཚོར་བྱིན་གྱིས་རླབས་རོགས་གནང་། ཁྱེད་ཀྱི་ཞལ་མཇལ་གསུང་ཐོས་ཤོག འཇིག་རྟེན་མི་རིགས་ཐམས་ཅད་ཀྱིས། ཁྱེད་ལ་བསྟོད་པ་འབུལ་བར་ཤོག ༢ ༢ ཁྱེད་ལས་མཐོ་བའི་དཀོན་མཆོག་མེད། མི་རིགས་ཡོངས་ལ་བྱིན་གྱིས་རློབས། ཁྱེད་ཀྱི་ཐར་ལམ་སྟོན་རོགས་གནང་། ཁྱེད་ཀྱི་རྒྱལ་སྲིད་ཡོང་བར་ཤོག འཇིག་རྟེན་མི་རིགས་ཐམས་ཅད་ཀྱིས། ཁྱེད་ལ་བསྟོད་པ་འབུལ་བར་ཤོག ༢ ༣ ཁྱེད་ལས་མཐོ་བའི་དཀོན་མཆོག་མེད། མི་རིགས་ཡོངས་ལ་ལམ་སྟོན་གནང་། ཁྱེད་ལ་བསྟོད་པའི་གླུ་དབྱངས་འབུལ། རབ་ཏུ་དགའ་བའི་བསྟོད་དབྱངས་འབུལ། འཇིག་རྟེན་མི་རིགས་ཐམས་ཅད་ཀྱིས། ཁྱེད་ལ་བསྟོད་པ་འབུལ་བར་ཤོག ༢
Psalm 67A Rajpur
271
-
ཀྱེ་ཀྱེ་བླ་མེད་དཀོན་མཆོག བདག་ལ་ཡིད་སེམས་གཙང་མ། ངེས་པར་མཛོད་ཅིག་དཀོན་མཆོག ཨོ། ཡིད་སེམས་བརྟན་པོར་གནང་རོགས། ཡིད་སེམས་བརྟན་པོར་གནང་རོགས། བདག་ནི་སྐྲོད་པར་མི་མཛོད། ཁྱེད་དང་འབྲལ་བར་མི་མཛོད། ཨོ། བདག་གི་སེམས་ལས་ཐུགས་ཉིད། ཨོ། སླར་ཡང་ལེན་པར་མི་མཛོད། སླར་ཡང་ལེན་པར་མི་མཛོད། བདག་ལ་ཐར་བའི་དགའ་སྤྲོ། ཐུགས་ཉིད་སླར་ཡང་གནང་རོགས། ཐར་བའི་ཆོས་ལ་བརྟེན་ཕྱིར། ཨོ། སྡིག་ཅན་བསླབ་བྱ་བསྟན་ནས། ཉེས་ཅན་ཁྱེད་ཕྱོགས་འཁོར་ཡོང༌།
Psalm 51
270, 250
-
ཀ ས་བསྐལ་བ་མ་ཆགས་ཡར་སྔོན་ན།། འཇིག་རྟེན་ཁམས་འདི་ཇི་ལྟར་བྱུང༌།། འཇིག་རྟེན་མཛད་མཁན་སུ་ཡིན་ཤོད།། ཐོག་མར་མཛད་པ་ཅི་ཞིག་ཡིན།། བཟང་ངན་དབྱེ་བ་ཡོད་དམ་མེད།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། འཇིག་རྟེན་ཁམས་འདི་སྟོང་བ་ཡིན།། འཇིག་རྟེན་མཛད་མཁན་དཀོན་མཆོག་ཡིན།། སྔོན་ལ་མཛད་པ་ཕོ་ཉ་ཡིན།། དུས་དེར་ཡོད་ཚད་བཟང་པོ་ཡིན།། ངན་པ་ཅི་ཡང་ཡོད་པ་མིན།། ཀ ས་བསྐལ་བ་མ་ཆགས་ཡར་སྔོན་ན།། ངན་པའི་ཐོག་མ་ཅི་ལྟར་བྱུང༌།། ངན་པའི་འབྱུང་ཁུངས་སུ་ཡིན་ཤོད།། ངན་པའི་འབྲས་བུ་ཅི་ཡིན་ཤོད།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། ནམ་མཁའི་ཞིང་ཁམས་ཁྱོན་ཡོངས་ན།། ངན་པའི་མིང་ཡང་ཡོད་པ་མིན།། ཕོ་ཉ་གཅིག་ལས་ངན་པ་བྱུང༌།། ངན་པའི་འབྱུང་ཁུངས་ཕོ་ཉ་ཡིན།། ངན་པའི་འབྲས་བུ་གདོན་འདྲེར་གྱུར།། ནམ་མཁའི་དབྱིངས་ནས་གཡུག་པ་ཡིན།། ཀ ས་བསྐལ་བ་མ་ཆགས་ཡར་སྔོན་ན།། འོད་དང་ནམ་མཁའ་ཅི་ཡང་མེད།། འོད་དང་མུན་པ་འབྱེད་མཁན་སུ་ཡིན་ཤོད།། གནམ་དང་ས་གཉིས་ཅི་ལྟར་བྱུང༌།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། འོད་ནི་དཀོན་མཆོག་བཀའ་ལྟར་བྱུང༌།། ཁོང་གིས་འོད་དང་མུན་པ་ཕྱེ།། གནམ་ས་གཉིས་ཀ་གསར་དུ་བསྐྲུན།། ཀ ས་བསྐལ་བ་མ་ཆགས་ཡར་སྔོན་ན།། ས་དང་རྒྱ་མཚོ་ཅི་ཡང་མེད།། ས་ཆེན་པོ་དེ་ནི་ཅི་ལྟར་བྱུང༌།། མཚོ་ཆེན་པོ་འདི་ཡང་ཅི་ལྟར་བྱུང༌།། ས་ལས་རྩྭ་དང་རྩི་ཤིང་ཅི་ལྟར་བྱུང༌།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། ས་དང་རྒྱ་མཚོ་ཅི་ཡང་མེད།། དཀོན་མཆོག་བཀའ་ལས་ས་གཞི་བྱུང༌།། རྩྭ་དང་རྩི་ཤིང་བསྐྱེད་དུ་བཅུག། རྒྱ་མཚོ་ཐམས་ཅད་ཁོང་ནས་བྱུང༌།། ཀ ས་བསྐལ་བ་མ་ཆགས་ཡར་སྔོན་ན།། ཉི་ཟླ་སྐར་གསུམ་ཅི་ཡང་མེད།། ཉི་ཟླ་སྐར་གསུམ་ཅི་ལྟར་བྱུང༌།། འདི་ཡི་མཛད་མཁན་སུ་ཡིན་ཤོད།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། ཉི་མ་མེད་ལ་ཟླ་བ་མེད།། ཉི་ཟླ་སྐར་གསུམ་སྐྲུན་མཁན་དེ།། བླ་ན་མེད་པའི་དཀོན་མཆོག་ཡིན།། དཀོན་མཆོག་བཀའ་ཡིས་ཐམས་ཅད་བསྐྲུན།། ཀ ས་བསྐལ་བ་མ་ཆགས་ཡར་སྔོན་ན།། བྱ་དང་ཉ་ཡི་རིགས་ནི་ཅི་ཡང་མེད།། བྱ་དང་ཉ་ཡི་རིགས་ནི་ཅི་ལྟར་བྱུང༌།། དེ་དག་རིགས་བཞིན་ཅི་ལྟར་སྤེལ།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། བྱ་དང་ཉ་གཉིས་མེད་པ་བདེན།། དཀོན་མཆོག་ཁོང་གིས་དེ་གཉིས་མཛད།། དེ་དག་རང་རང་རིགས་བཞིན་སྤེལ།། འདི་ཡང་དཀོན་མཆོག་ཁོང་གིས་མཛད།། ཀ ས་བསྐལ་བ་མ་ཆགས་ཡར་སྔོན་ན།། ཕྱུགས་དང་ཉ་རིགས་འབུ་སྲིན་མེད།། དེ་དག་ཐམས་ཅད་ཅི་ལྟར་བྱུང༌།། དེ་དག་རིགས་རྒྱུད་ཅི་ལྟར་བྱུང༌།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། དུད་འགྲོ་སྲོག་དང་རི་དྭགས་མེད།། ས་དང་ནམ་མཁའི་འབུ་སྲིན་མེད།། དཀོན་མཆོག་བཀའ་ལས་དེ་དག་བྱུང༌།། དེ་རང་རང་རིགས་བཞིན་སྤེལ་དུ་བཅུག། ཀ ས་བསྐལ་བ་མ་ཆགས་ཡར་སྔོན་ན།། ཁྱོད་ནི་མེད་ལ་ང་ཡང་མེད།། འཇིག་རྟེན་མི་རིགས་སུ་ཡིས་མཛད།། མི་ཡི་གཟུགས་འདི་ཇི་ལྟར་བྱུང༌།། མི་ཡི་རང་གཤིས་གང་ནས་བྱུང༌།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། ཁྱོད་ནི་མེད་ལ་ང་ཡང་མེད།། དཀོན་མཆོག་ཁོང་གི་གཟུགས་བརྙན་ལྟར།། འཇིག་རྟེན་མིའི་རིགས་མཛད་པ་ཡིན།། མི་ཡི་རང་གཤིས་བཟང་པོ་ཡིན།། ཀ ས་བསྐལ་བ་མ་ཆགས་ཡར་སྔོན་ན།། ཁྱོད་ནི་མེད་ལ་ང་ཡང་མེད།། ཕོ་མོའི་དབྱེ་བ་ཇི་ལྟར་བྱུང༌།། མི་ཡི་ལས་ཀ་ཅི་ཡིན་ཤོད།། བཀའ་ལུང་དང་པོ་ཅི་ཞིག་ཡིན།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། ཁྱོད་ནི་མེད་ལ་ང་ཡང་མེད།། ཁོང་གིས་སྔོན་ལ་ཕོ་ཞིག་མཛད།། ཕོ་ཡིས་རྩིབ་རུས་གཅིག་བླངས་ནས།། སྐྱེས་པ་དེ་ལ་ཆུང་མ་མཛད།། ཕོ་མོ་གཉིས་ཀྱི་ལས་ཀ་དེ།། འཇིག་རྟེན་ཁམས་འདི་སྐྱོང་བ་ཡིན།། བཟང་ངན་ཤེས་བའི་ཤིང་ཏོག་མི་བཟའ།། ཁོང་གི་བཀའ་ལུང་དང་པོ་ཡིན།། ཀ ས་བསྐལ་བ་མ་ཆགས་ཡར་སྔོན་ན།། སྡིག་པ་མེད་ལ་འཆི་བ་མེད།། སྡིག་པའི་ཐོག་མ་གང་ནས་བྱུང༌།། སྡིག་པའི་འབྲས་བུ་ཅི་ཡིན་ཤོད།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། སྡིག་པ་མེད་ལ་འཆི་བ་མེད།། བཀའ་དང་འགལ་ནས་ཤིང་ཏོག་ཟོས།། སྡིག་པའི་ཐོག་མ་དེ་ནས་བྱུང༌།། སྡིག་པའི་འབྲས་བུ་འཆི་བ་ཡིན།། ཀ ས་བསྐལ་བ་མ་ཆགས་ཡར་སྔོན་ན།། མི་ལ་ཐར་བ་ཡོད་དམ་མེད།། སྡིག་པ་སེལ་མཁན་ཡོད་དམ་མེད།། ཐར་ལམ་སྟོན་མཁན་སུ་ཡིན་ཤོད།། ངས་མ་ཤེས་གླུ་བར་དྲིས་ནི་ཡིན།། ཁ ས་བསྐལ་བ་མ་ཆགས་ཡར་སྔོན་ན།། འཇིག་རྟེན་མི་ལ་ཐར་བ་མེད།། དཀོན་མཆོག་ཐུགས་རྗེ་ཆེན་པོ་ལས།། ལུང་སྟོན་བཞིན་དུ་སྐྱབས་མགོན་ཞིག། མི་ཡི་རིགས་རྒྱུད་བརྒྱུད་ནས་བྱུང༌།། ཁོང་གི་མཚན་ནི་ཡེ་ཤུ་ཡིན།། ཁོང་ནི་ཐར་ལམ་སྟོན་མཁན་ཡིན།། སྡིག་པ་ཐམས་ཅད་སེལ་མཁན་ཡིན།། གླུ་ཤེས་ནི་མིན་འདྲ་བདེན་པ་རེད།།
No Eng Title
269