Language:
Audio BibleBhutanBible PortionsCelebration & SeasonsChildrenChristian LifeChristmasDanceEasterEvangelizationFaithFeaturedGod FatherHopeInstrumentalJesus ChristKhamLinguisticsmaps-no-listMarriageMusicSalvationSalvation HistoryScriptureSharing and OutreachSongSongbooksStory Telling and StoriesWorship
Central TibetanChineseDzongkhaEnglishInstrumentalKoreanTibetan Roman Script
-
༼ཀློག་པ་པོ།༽ ཡེ་ཤུ་དཀོན་མཆོག་གི་སྲས་ཡིན། དེའི་སྐོར་སྐུ་ཚབ་པའུ་ལུ་ཡིས། འདི་ལྟར་འཕྲིན་ཡིག་བྲིས་པ་ཡིན། ༼མཉམ།༽ ༡ མཐོང་དུ་མེད་པའི་དཀོན་མཆོག་གི འདྲ་དབྱིབས་ཡིན་པའི་མཱ་ཤི་ཀ གཙོ་བོ་སྐྱབས་མགོན་ཡེ་ཤུ་ཡིན། ༢ གནམ་ས་གཉིས་ལ་ཡོད་པ་ཀུན། མིག་གིས་མཐོང་དང་མི་མཐོང་བ། ཡེ་ཤུའི་སྒོ་ནས་བྱུང་བ་ཡིན། ༣ སྐྱབས་མགོན་ཡེ་ཤུ་མཱ་ཤི་ཀ བཀོད་པ་ཡོངས་ཀྱི་སྔོན་འཁྲུངས་སོ། ཁོང་ལ་བརྟེན་ནས་ཐམས་ཅད་གནས། ༤ སྐུ་ལུས་ཡིན་པའི་ཆོས་ཚོགས་ཀྱི། ཁོང་ནི་དབུ་དང་འབྱུང་ཁུངས་ཡིན། ཁོང་ནི་དབུ་དང་འབྱུང་ཁུངས་ཡིན། ༥ ཤི་བའི་དབང་ལས་རྒྱལ་བ་ཡིན། ཁོང་ནི་ཀུན་ལས་བླ་མེད་མཆོག རྣམ་པ་ཀུན་ལས་བླ་མེད་མཆོག ༦ ཡེ་ཤུ་དཀོན་མཆོག་གི་སྲས་ཡིན། ཁོང་གི་ནང་དུ་དཀོན་མཆོག་ཉིད། རབ་ཏུ་ཚང་བར་བཞུགས་པ་ཡིན། ༧ ཁོང་གི་སྐུ་ཁྲག་བརྒྱུད་ནས་ནི། གནམ་ས་གཉིས་སུ་ཡོད་པ་ཀུན། ཁོང་དང་སྡུམ་པར་རབ་ཏུ་དགྱེས། ༨ མཐོང་དུ་མེད་པའི་དཀོན་མཆོག་གི འདྲ་དབྱིབས་ཡིན་པའི་མཱ་ཤི་ཀ གཙོ་བོ་སྐྱབས་མགོན་ཡེ་ཤུ་ཡིན།།
Colossians 1:14-20
-
༡ སྐྱབས་མགོན་གཙོ་བོ་ཡེ་ཤུ་ནི། ཀུན་དབང་གི་དཀོན་མཆོག་ཡིན་ན་ཡང་། འཇིག་རྟེན་མི་ཡི་རྣམ་པ་བཟུང་། ༢ ཕལ་བའི་རྣམ་འགྱུར་བཟུང་བས་ན། དཀོན་མཆོག་ཉིད་ཀྱི་བཀའ་ལུང་བཞིན། རྒྱངས་ཤིང་དེ་ཡི་ཁ་ལ་གྲོངས། ༣ དེ་འདྲ་ཡིན་ཙང་དཀོན་མཆོག་གིས། ཀུན་ལས་མཐོ་བའི་གནས་སུ་དྲངས། ཀུན་ལས་འཕགས་པའི་མཚན་ཡང་གནང་། ༤ ས་འོག་ས་སྟེང་ས་བླ་གསུམ། ཡེ་ཤུ་ཁོང་གི་ཞབས་དྲུང་དུ། པུས་མོ་བཙུགས་ནས་ཕྱག་འཚལ་བྱེད། ༥ དཀོན་མཆོག་ཡབ་ལ་བསྟོད་པའི་ཕྱིར། ཀུན་གྱི་ངག་ལས་མཱ་ཤི་ཀར། གཙོ་བོ་ལགས་ཞེས་ཁས་ལེན་བརྗོད། ༦ སྐྱབས་མགོན་ཡེ་ཤུ་ཁྱེད་རང་ལ། ང་ཚོས་པུས་མོ་སར་བཙུགས་ནས། ཁྱེད་ནི་གཙོ་བོ་ཡིན་ཞེས་ཞུ།།
Philippians 2:6-11
-
༼ཀློག་པ་པོ།༽ སེམས་ནས་སྐྱབས་མགོན་ཡེ་ཤུ་ལ། དད་ན་ཐར་པ་ཐོབ་ངེས་རེད།། དེའི་སྐོར་གསལ་པོར་རྟོགས་པའི་ཕྱིར། ཚིག་བཅད་འདི་རྣམས་ཀློགས་རོགས་གནང་།། ༼མཉམ།༽ ༡ སྐྱབས་མགོན་ཡེ་ཤུ་མཱ་ཤི་ཀའི། དཀོན་མཆོག་ཡབ་ལ་བསྟོད་པར་ཤོག སྐྱབས་མགོན་ཡེ་ཤུ་མཱ་ཤི་ཀའི། དཀོན་མཆོག་ཡབ་ལ་བསྟོད་པར་ཤོག ༢ མཱ་ཤི་ཀའི་ངང་དཀོན་མཆོག་གིས། ང་ཚོ་དམ་པར་འགྱུར་བའི་ཕྱིར། འཇིག་རྟེན་མ་བཀོད་སྔོན་རོལ་དུ། མཱ་ཤི་ཀ་ལ་ང་ཚོ་བདམས། ༣ ཉིད་ཀྱི་བྱམས་བརྩེའི་དགོངས་པ་བཞིན། ཡེ་ཤུ་མཱ་ཤི་ཀ་བརྒྱུད་ནས། ཁོང་གི་སྲས་སུ་རང་ཅག་ལ། འགྱུར་བར་གདོད་ནས་ཐུགས་ཐག་བཅད། ༤ དཔག་ཏུ་མེད་པའི་ཐུགས་རྗེ་ཡི། ཡེ་ཤུའི་སྐུ་ཁྲག་གི་སྒོ་ནས། ཐར་པ་ང་ཚོ་ལ་གནང་བས། སྡིག་ཉེས་ཐམས་ཅད་སེལ་བར་མཛད། ༥ སྐྱབས་མགོན་ཡེ་ཤུ་མཱ་ཤི་ཀའི། དཀོན་མཆོག་ཡབ་ལ་བསྟོད་པར་ཤོག སྐྱབས་མགོན་ཡེ་ཤུ་མཱ་ཤི་ཀའི། དཀོན་མཆོག་ཡབ་ལ་བསྟོད་པར་ཤོག ༦ བསྐལ་པ་ཡོངས་སུ་རྫོགས་འགྱུར་ཏེ། གནམ་ས་གཉིས་ནང་གནས་པ་ཀུན། མཱ་ཤི་ཀ་ཡི་དབང་ལ་བསྡུ། ཉིད་ཀྱི་དགོངས་པ་སྒྲུབ་པར་འགྱུར། ༧ ཐར་པའི་འཕྲིན་བཟང་བདེན་པའི་བཀའ། ཐོས་ནས་དད་པ་ཁྱེད་རྣམས་ལའང་། ཞལ་གྱིས་བཞེས་པའི་ཐུགས་ཉིད་ཀྱི། ཕྱག་རྒྱ་བཏབ་པར་མཛད་པའོ། ༨ དེ་ནི་ཐར་པའི་རེ་བ་དེ། ང་ཚོར་ཐོབ་པའི་གཏེ་མ་ཡིན། དཀོན་མཆོག་དཔལ་ལ་བསྟོད་པར་ཤོག དཀོན་མཆོག་དཔལ་ལ་བསྟོད་པར་ཤོག །
Ephesians 1:3-14
-
༼འགོ༽ སྐྱབས་མགོན་ཡེ་ཤུའི་མཚན་ཞིག་ནི། དཀོན་མཆོག་ཉིད་ཀྱི་བཀའ་དེ་ཡིན། བཀའ་དེ་སྐོར་ནི་གང་ཡིན་ཟེར། མགུར་གླུ་འདི་ལ་གསན་རོགས་གནང་། ༼མཉམ༽ ༡ ཐོག་མར་བཀའ་ཡོད་ལགས་པ་དང་། བཀའ་དེ་དཀོན་མཆོག་མཉམ་དུ་བཞུགས། བཀའ་དེ་དཀོན་མཆོག་ལགས་པ་དང་། གདོད་ནས་དཀོན་མཆོག་མཉམ་དུ་བཞུགས། ༢ དངོས་པོ་ཐམས་ཅད་བཀའ་དེས་མཛད། ཁོང་མེད་ཅི་ཡང་མ་བྱུང་ངོ་། ཁོང་གི་ནང་ན་གསོན་པ་སྟེ། གསོན་པ་མི་ཡི་འོད་དེ་ཡིན། ༣ དཀོན་མཆོག་ཉིད་ཀྱི་བཀའ་དེ་ལ། ང་ཚོས་སེམས་ནས་བསྟོད་པ་ཕུལ། སྐྱབས་མགོན་གཙོ་བོ་ཡེ་ཤུ་ལ། དགའ་སྤྲོའི་བསྟོད་དབྱངས་འདི་ཕུལ་ལོ། ༤ འོད་དེ་མུན་པའི་ནང་དུ་ཤར། མུན་པས་གནོན་པར་མ་ནུས་སོ། བཀའ་དེ་སྐུ་ལུས་ལྡན་པར་སྤྲུལ། ང་ཚོའི་ཁྲོད་དུ་བཞུགས་མཛད་དོ། ༥ ཡབ་ནས་བྱུང་བའི་སྲས་གཅིག་པོ། ཐུགས་རྗེ་དང་བདེན་པས་གང་བ་ཡི། གཟི་བརྗིད་འོད་གཟེར་ང་ཚོས་མཐོང་། གཟི་བརྗིད་ཁོ་ན་ང་ཚོས་མཐོང་། ༦ དཀོན་མཆོག་ཉིད་ཀྱི་བཀའ་དེ་ལ། ང་ཚོས་སེམས་ནས་བསྟོད་པ་ཕུལ། སྐྱབས་མགོན་གཙོ་བོ་ཡེ་ཤུ་ལ། དགའ་སྤྲོའི་བསྟོད་དབྱངས་འདི་ཕུལ་ལོ།།
John 1:1- 18
-
༼གཙོ་བོ་ཡེ་ཤུའི་སྨོན་ལམ།༽ ༡ ནམ་མཁར་བཞུགས་པའི་ངེད་ཀྱི་ཡབ། ཁྱེད་མཚན་དམ་པར་སྲུང་བར་ཤོག ཁྱེད་ཀྱི་རྒྱལ་སྲིད་འོང་བར་ཤོག ཁྱེད་ཀྱི་རྒྱལ་སྲིད་འོང་བར་ཤོག ༢ ཁྱེད་ཀྱི་དགོངས་པ་ནམ་མཁའ་ལ། སྒྲུབ་ལྟར་ས་ལའང་འགྲུབ་པར་ཤོག ངེད་ཀྱི་ཉི་མ་རེའི་ཁ་ཟས། དེ་རིང་ཡང་ནི་གནང་བར་མཛོད། ༣ ངེད་ཀྱིས་གཞན་ཉེས་སེལ་བ་ལྟར། ངེད་ཀྱི་སྡིག་པ་སེལ་བར་མཛོད། ཉམས་སད་ནང་དུ་མ་འཁྲིད་པར། ངན་པའི་ལས་ངེད་ཐར་བར་མཛོད། ༤ རྒྱལ་སྲིད་དབང་དང་གཟི་བརྗིད་ནི། རྒྱུན་ནས་རྒྱུན་དུ་ཁྱེད་ཀྱི་འོ། རྒྱལ་སྲིད་དབང་དང་གཟི་བརྗིད་ནི། རྒྱུན་ནས་རྒྱུན་དུ་ཁྱེད་ཀྱི་འོ། ཨ་མེན།།
The Lord’s Prayer
-
༡ ཨ་ཧ་ཨ་ཧ་ཨ་ཧ་ལགས་ནི། སྡིག་པའི་མུན་པའི་ནང་དུ། སྟོར་བའི་སྡིག་ཅན་སྐྱོབ་ཕྱིར་ཨ་ཧ་ལགས་ནི། ཞིང་མཆོག་བདེ་ཆེན་སྤངས་ནས་ཨ་ཧ་ལགས་ནི། དཀོན་མཆོག་མི་རུ་སྤྲུལ་པ་བཞེས། མཐའ་ཡས་ཐུགས་བརྩེ་འདི་བཞིན། སེམས་ནས་མ་བརྗེད་གཅེས་པའི་བོད་མི་རྣམས། ༢ ཨ་ཧ་ཨ་ཧ་ཨ་ཧ་ལགས་ནི། རང་གཤིས་རྙིང་བའི་སྡིག་པ། དགེ་བའི་ལས་ཀྱིས་མི་དག་ཨ་ཧ་ལགས་ནི། སྡིག་པའི་གཡུལ་ལས། རྒྱལ་ཕྱིར་ཨ་ཧ་ལགས་ནི། རང་གཤིས་གསར་པ་ཞིག་དགོས་པས། ལུས་རྟེན་འདི་གར་སྐྱེ་བ་གསར་པ་ལེན་ཕྱིར། ཡེ་ཤུར་དད་མོས་ཞུས། ༣ ཨ་ཧ་ཨ་ཧ་ཨ་ཧ་ལགས་ནི། མེས་པོའི་བརྒྱུད་ནས་བསགས་པའི། སྡིག་པ་ཇི་ལྟར་ཚབས་ཆེའང་ཨ་ཧ་ལགས་ནི། ཡེ་ཤུར་འགྱོད་བཤགས། ཕུལ་ན་ཨ་ཧ་ལགས་ནི། ཁོང་གི་སྐུ་མཚལ་རིན་པོ་ཆེས། སྡིག་པ་བསལ་ཞིང་ཐར་ལམ། ཐོབ་པར་ངེས་པས། ཁོང་ལ་སྐྱབས་སུ་ཞུས།།
In the Darkness of Sin
-
ཨ་ཧ་ལ་ནི་ཡེ་ཤུ་ངའི་སེམས་ལ་ཡོད། ༤ ༡ (འགོ) དཀོན་མཆོག་གི་རྒྱལ་སྲིད་འདི་རུ་ཡོད། (མཉམ) ཡེ་ཤུ་ངའི་སེམས་ལ་ཡོད། (འགོ) ཁོང་གི་གཟི་བརྗིད་ཐག་ཉེ་པོར་ཡོད། (མཉམ) ཡེ་ཤུ་ངའི་སེམས་ལ་ཡོད། (འགོ) ཁོང་མཉམ་དུ་དགའ་སྤྲོ་ཆེན་པོ་ཡོད། (མཉམ) ཡེ་ཤུ་ངའི་སེམས་ལ་ཡོད། (འགོ) དམ་པའི་འོད་ཟེར་མཐའ་འཁོར་ལ་ཡོད། (མཉམ) ཡེ་ཤུ་ངའི་སེམས་ལ་ཡོད། ༢ མཐའ་མེད་པའི་སྲོག་ངར་གནང་བའི་ཕྱིར། ཡེ་ཤུ་ངའི་སེམས་ལ་ཡོད། རང་ཉིད་ཀྱི་སྐུ་སྲོག་ངའི་དོན་ཕུལ། ཡེ་ཤུ་ངའི་སེམས་ལ་ཡོད། ཡེ་ཤུ་ནི་ངའི་བློས་འགེལ་ས་ཡིན། ཡེ་ཤུ་ངའི་སེམས་ལ་ཡོད། ཁོང་ཐར་པ་འཐོབ་པའི་རེ་བ་ཡིན། ཡེ་ཤུ་ངའི་སེམས་ལ་ཡོད། ༣ ང་ཚོ་ནི་ཁོང་གི་མཆོད་ཁང་ཡིན། ཡེ་ཤུ་ངའི་སེམས་ལ་ཡོད། མཆོད་ཁང་གི་རྨང་གཞི་ཡེ་ཤུ་ཡིན། ཡེ་ཤུ་ངའི་སེམས་ལ་ཡོད། ང་ཚོ་ནམ་མཁར་འཁྲིད་པར་ཕེབས་ཡོང་། ཡེ་ཤུ་ངའི་སེམས་ལ་ཡོད། ཐུགས་ཉིད་དང་ཆོས་ཚོགས་ཀྱིས་ཕེབས་ཤོག་ཟེར། ཡེ་ཤུ་ངའི་སེམས་ལ་ཡོད།།
O Heaven, is in My Heart
-
ཨ་ཧ་ནམ་མཁའི་བཞུགས་ཁྲིའི་སྟེང་ལ། ཡབ་དང་སྲས་དང་དམ་པའི་ཐུགས་ཉིད་ཡོད། ལ་ནི་ང་ཚོས་ཁྱེད་ལ་བསྟོད་བསྔགས་ཏེ། ཁྱེད་ཀྱི་བཞུགས་ཁྲིའི་ཀ་བར་འགྱུར་བར་ཤོག ཨ་ཧ་ཁྱེད་རང་གི་འོད་ཟེར་ཆེན་པོ་དེ། ལ་ནི་ཁྱེད་རང་གི་གཟི་བརྗིད་ལ་བལྟས་ནས། ཨ་ཧ་ཕོ་ཉ་ཡི་ཚོགས་མཉམ་དུ་འཛོམས་པ་དང་། ལ་ནི་དམ་པའི་མཚན་དེ་ལ་བསྟོད་དབྱངས་ཕུལ། ཞུས་ནས། གཙོ་བོ་ནི་དམ་པ་དམ་པ་དམ་པ་ཡིན། ༢ ཡབ་ཆེན་ནི་དམ་པ་དམ་པ་དམ་པ་ཡིན། ༢ ཡེ་ཤུ་ནི་དམ་པ་དམ་པ་དམ་པ་ཡིན། ༢ ཐུགས་ཉིད་ནི་དམ་པ་དམ་པ་དམ་པ་ཡིན།། ༢
Let Our Praise to You Be as Incense
-
༡ ཧོ་ཟན་ནཱ། ཧོ་ཟན་ནཱ། བླ་མེད་དཀོན་མཆོག་ལ་ཧོ་ཟན་ནཱ། ༢ ངས་སེམས་ལ་བསྟོད་པ་ཡོད། ཡེ་ཤུའི་མཚན་མཐོ་ཤོས་རེད། ངེད་ཀྱི་གཙོ་བོ་ཡ་ཧོ་ཝཱ་ལ། བླ་མེད་དཀོན་མཆོག་ལ་ཧོ་ཟན་ནཱ། ༢ བསྟོད་པར་ཤོག བསྟོད་པར་ཤོག རྒྱལ་པོའི་རྒྱལ་པོ་ལ་བསྟོད་པར་ཤོག ༢ ངས་སེམས་ལ་བསྟོད་པ་ཡོད། ཡེ་ཤུའི་མཚན་མཐོ་ཤོས་རེད། ངེད་ཀྱི་གཙོ་བོ་ཡ་ཧོ་ཝཱ་ལ། རྒྱལ་པོའི་རྒྱལ་པོ་ལ་བསྟོད་པར་ཤོག །
Hosanna, Hosanna!
90, 44
-
སོའོ། གཙོ་བོ་སྐྱབས་མགོན་ཡེ་ཤུ་ལ། སོའོ། ཉིད་ཀྱི་འཁྲུངས་སྐར་དུས་ཆེན་ལ། བདེ་སྐྱིད་ལྡན་པའི་ཉི་མ། ང་ཚོ་སྤུན་ལ་ཤར། བཀྲ་ཤིས་བདེ་ལེགས་ཡོང་དུས། དགའ་སྤྲོའི་གླུ་དབྱངས་ལེན།།
O Saviour Lord Jesus
-
༡ སུ་ནམ་མཁའ་ནས་ཕེབས་པ་ཡིན། ཡེ་ཤུ་ང་ཚོའི་སྐྱབས་མགོན། ༢ ༢ ཉམས་ཆུང་ལུགས་ལ་སུ་འཁྲུངས་སོ། ཡེ་ཤུ་ང་ཚོའི་སྐྱབས་མགོན། ༢ ༣ སུ་རྒྱངས་ཤིང་ཁར་གྲོངས་པ་ཡིན། ཡེ་ཤུ་ང་ཚོའི་སྐྱབས་མགོན། ༢ ༤ ང་ཚོ་བླུ་བའི་དོན་ལ་གྲོངས། ཡེ་ཤུ་ང་ཚོའི་སྐྱབས་མགོན། ༢ ༥ སུ་ཡིས་སྡིག་སེལ་གནང་ཐུབ་ཡོང་། ཡེ་ཤུ་ང་ཚོའི་སྐྱབས་མགོན། ༢ ༦ སུ་ནམ་མཁའ་ལ་ད་ལྟ་བཞུགས་ཡོད། ཡེ་ཤུ་ང་ཚོའི་སྐྱབས་མགོན། ༢ ༧ སུ་ནམ་མཁའ་ནས་སླར་ཕེབས་ཡོང་། ཡེ་ཤུ་ང་ཚོའི་སྐྱབས་མགོན། ༢ ༨ ནམ་མཁར་རང་གི་མི་འདྲེན་ཡོང་། ཡེ་ཤུ་ང་ཚོའི་སྐྱབས་མགོན།། ༢
Who Came Down?
-
(ཕོ) ས་གཞི་འདི་ཐམས་ཅད། (མོ) ངའི་དཀོན་མཆོག་གི་རེད། (ཕོ) དེའི་ནང་ཡོད་པ་ཀུན། (མོ) ངའི་དཀོན་མཆོག་གི་རེད། (ཕོ) ས་གཞི་འདི་ཐམས་ཅད། (མོ) ངའི་དཀོན་མཆོག་གི་རེད། (མཉམ) ཁོང་གི་གཟི་བརྗིད་ཀྱི་དོན་ལ་བཀོད་པ་རེད། (ཕོ) གངས་རི་དང་ལུང་པ། (མོ) རྒྱ་མཚོ་དང་གླིང་ཕྲན། (ཕོ) གྲོང་ཁྱེར་དང་མི་སྡེ། (མོ) རྩྭ་ཐང་དང་སེམས་ཅན། (ཕོ) དངོས་པོ་ཚང་མ་ནི། (མོ) ངའི་དཀོན་མཆོག་གི་རེད། (མཉམ) མི་ཐམས་ཅད་ཀྱིས་ཁོང་ལ་བསྟོད་པར་ཤོག །
The Earth is the Lord’s