-
A Selection of Great Bible Stories (CT Audio)
-
༼ཀློག་པ་པོ།༽ སེམས་ནས་སྐྱབས་མགོན་ཡེ་ཤུ་ལ། དད་ན་ཐར་པ་ཐོབ་ངེས་རེད།། དེའི་སྐོར་གསལ་པོར་རྟོགས་པའི་ཕྱིར། ཚིག་བཅད་འདི་རྣམས་ཀློགས་རོགས་གནང་།། ༼མཉམ།༽ ༡ སྐྱབས་མགོན་ཡེ་ཤུ་མཱ་ཤི་ཀའི། དཀོན་མཆོག་ཡབ་ལ་བསྟོད་པར་ཤོག སྐྱབས་མགོན་ཡེ་ཤུ་མཱ་ཤི་ཀའི། དཀོན་མཆོག་ཡབ་ལ་བསྟོད་པར་ཤོག ༢ མཱ་ཤི་ཀའི་ངང་དཀོན་མཆོག་གིས། ང་ཚོ་དམ་པར་འགྱུར་བའི་ཕྱིར། འཇིག་རྟེན་མ་བཀོད་སྔོན་རོལ་དུ། མཱ་ཤི་ཀ་ལ་ང་ཚོ་བདམས། ༣ ཉིད་ཀྱི་བྱམས་བརྩེའི་དགོངས་པ་བཞིན། ཡེ་ཤུ་མཱ་ཤི་ཀ་བརྒྱུད་ནས། ཁོང་གི་སྲས་སུ་རང་ཅག་ལ། འགྱུར་བར་གདོད་ནས་ཐུགས་ཐག་བཅད། ༤ དཔག་ཏུ་མེད་པའི་ཐུགས་རྗེ་ཡི། ཡེ་ཤུའི་སྐུ་ཁྲག་གི་སྒོ་ནས། ཐར་པ་ང་ཚོ་ལ་གནང་བས། སྡིག་ཉེས་ཐམས་ཅད་སེལ་བར་མཛད། ༥ སྐྱབས་མགོན་ཡེ་ཤུ་མཱ་ཤི་ཀའི། དཀོན་མཆོག་ཡབ་ལ་བསྟོད་པར་ཤོག སྐྱབས་མགོན་ཡེ་ཤུ་མཱ་ཤི་ཀའི། དཀོན་མཆོག་ཡབ་ལ་བསྟོད་པར་ཤོག ༦ བསྐལ་པ་ཡོངས་སུ་རྫོགས་འགྱུར་ཏེ། གནམ་ས་གཉིས་ནང་གནས་པ་ཀུན། མཱ་ཤི་ཀ་ཡི་དབང་ལ་བསྡུ། ཉིད་ཀྱི་དགོངས་པ་སྒྲུབ་པར་འགྱུར། ༧ ཐར་པའི་འཕྲིན་བཟང་བདེན་པའི་བཀའ། ཐོས་ནས་དད་པ་ཁྱེད་རྣམས་ལའང་། ཞལ་གྱིས་བཞེས་པའི་ཐུགས་ཉིད་ཀྱི། ཕྱག་རྒྱ་བཏབ་པར་མཛད་པའོ། ༨ དེ་ནི་ཐར་པའི་རེ་བ་དེ། ང་ཚོར་ཐོབ་པའི་གཏེ་མ་ཡིན། དཀོན་མཆོག་དཔལ་ལ་བསྟོད་པར་ཤོག དཀོན་མཆོག་དཔལ་ལ་བསྟོད་པར་ཤོག །
Ephesians 1:3-14
-
༼འགོ༽ སྐྱབས་མགོན་ཡེ་ཤུའི་མཚན་ཞིག་ནི། དཀོན་མཆོག་ཉིད་ཀྱི་བཀའ་དེ་ཡིན། བཀའ་དེ་སྐོར་ནི་གང་ཡིན་ཟེར། མགུར་གླུ་འདི་ལ་གསན་རོགས་གནང་། ༼མཉམ༽ ༡ ཐོག་མར་བཀའ་ཡོད་ལགས་པ་དང་། བཀའ་དེ་དཀོན་མཆོག་མཉམ་དུ་བཞུགས། བཀའ་དེ་དཀོན་མཆོག་ལགས་པ་དང་། གདོད་ནས་དཀོན་མཆོག་མཉམ་དུ་བཞུགས། ༢ དངོས་པོ་ཐམས་ཅད་བཀའ་དེས་མཛད། ཁོང་མེད་ཅི་ཡང་མ་བྱུང་ངོ་། ཁོང་གི་ནང་ན་གསོན་པ་སྟེ། གསོན་པ་མི་ཡི་འོད་དེ་ཡིན། ༣ དཀོན་མཆོག་ཉིད་ཀྱི་བཀའ་དེ་ལ། ང་ཚོས་སེམས་ནས་བསྟོད་པ་ཕུལ། སྐྱབས་མགོན་གཙོ་བོ་ཡེ་ཤུ་ལ། དགའ་སྤྲོའི་བསྟོད་དབྱངས་འདི་ཕུལ་ལོ། ༤ འོད་དེ་མུན་པའི་ནང་དུ་ཤར། མུན་པས་གནོན་པར་མ་ནུས་སོ། བཀའ་དེ་སྐུ་ལུས་ལྡན་པར་སྤྲུལ། ང་ཚོའི་ཁྲོད་དུ་བཞུགས་མཛད་དོ། ༥ ཡབ་ནས་བྱུང་བའི་སྲས་གཅིག་པོ། ཐུགས་རྗེ་དང་བདེན་པས་གང་བ་ཡི། གཟི་བརྗིད་འོད་གཟེར་ང་ཚོས་མཐོང་། གཟི་བརྗིད་ཁོ་ན་ང་ཚོས་མཐོང་། ༦ དཀོན་མཆོག་ཉིད་ཀྱི་བཀའ་དེ་ལ། ང་ཚོས་སེམས་ནས་བསྟོད་པ་ཕུལ། སྐྱབས་མགོན་གཙོ་བོ་ཡེ་ཤུ་ལ། དགའ་སྤྲོའི་བསྟོད་དབྱངས་འདི་ཕུལ་ལོ།།
John 1:1- 18
-
ཨ་ཧ་ལ་ནི་ཡེ་ཤུ་ངའི་སེམས་ལ་ཡོད། ༤ ༡ (འགོ) དཀོན་མཆོག་གི་རྒྱལ་སྲིད་འདི་རུ་ཡོད། (མཉམ) ཡེ་ཤུ་ངའི་སེམས་ལ་ཡོད། (འགོ) ཁོང་གི་གཟི་བརྗིད་ཐག་ཉེ་པོར་ཡོད། (མཉམ) ཡེ་ཤུ་ངའི་སེམས་ལ་ཡོད། (འགོ) ཁོང་མཉམ་དུ་དགའ་སྤྲོ་ཆེན་པོ་ཡོད། (མཉམ) ཡེ་ཤུ་ངའི་སེམས་ལ་ཡོད། (འགོ) དམ་པའི་འོད་ཟེར་མཐའ་འཁོར་ལ་ཡོད། (མཉམ) ཡེ་ཤུ་ངའི་སེམས་ལ་ཡོད། ༢ མཐའ་མེད་པའི་སྲོག་ངར་གནང་བའི་ཕྱིར། ཡེ་ཤུ་ངའི་སེམས་ལ་ཡོད། རང་ཉིད་ཀྱི་སྐུ་སྲོག་ངའི་དོན་ཕུལ། ཡེ་ཤུ་ངའི་སེམས་ལ་ཡོད། ཡེ་ཤུ་ནི་ངའི་བློས་འགེལ་ས་ཡིན། ཡེ་ཤུ་ངའི་སེམས་ལ་ཡོད། ཁོང་ཐར་པ་འཐོབ་པའི་རེ་བ་ཡིན། ཡེ་ཤུ་ངའི་སེམས་ལ་ཡོད། ༣ ང་ཚོ་ནི་ཁོང་གི་མཆོད་ཁང་ཡིན། ཡེ་ཤུ་ངའི་སེམས་ལ་ཡོད། མཆོད་ཁང་གི་རྨང་གཞི་ཡེ་ཤུ་ཡིན། ཡེ་ཤུ་ངའི་སེམས་ལ་ཡོད། ང་ཚོ་ནམ་མཁར་འཁྲིད་པར་ཕེབས་ཡོང་། ཡེ་ཤུ་ངའི་སེམས་ལ་ཡོད། ཐུགས་ཉིད་དང་ཆོས་ཚོགས་ཀྱིས་ཕེབས་ཤོག་ཟེར། ཡེ་ཤུ་ངའི་སེམས་ལ་ཡོད།།
O Heaven, is in My Heart
-
༡ རང་སྲོག་སྐྱོབ་མཁན་དེས། རང་སྲོག་བརླག་པར་འགྱུར། ངའི་དོན་རང་སྲོག་རླག་མཁན་དེ། རང་སྲོག་རྙེད་པར་འགྱུར། ངའི་རྗེས་སུ་འབྲང་བར། འདོད་པ་ཡོད་ན། བདག་འཛིན་སྤོངས་ལ་རང་གི རྒྱངས་ཤིང་འཁུར་ནས་ཕེབས་ཤོག ༢ ཆེན་པོར་འགྱུར་འདོད་པ་དེ། ཞབས་ཕྱིར་འགྱུར་དགོས་རེད། དང་པོར་འགྱུར་འདོད་པ་དེ་ནི། ཚང་མའི་གཡོག་པོ་ཡིན། ངའི་རྗེས་སུ་འབྲང་བར། འདོད་པ་ཡོད་ན། བདག་འཛིན་སྤོངས་ལ་རང་གི རྒྱངས་ཤིང་འཁུར་ནས་ཕེབས་ཤོག ༣ མཱ་ཤི་ཀ་ནི་འཇིག་རྟེན་དུ། ཞབས་ཕྱི་ཐོབ་པར་མ་ཡིན། ཞབས་ཕྱི་ཞུ་ཞིང་མང་པོའི་ཚབ་ལ། རང་སྲོག་ཕུལ་བར་ཕེབས་བྱུང་།།
He Who Saves His Life
-
ཡེ་ཤུ་མཱ་ཤི་ཀ་ནི། ཁ་སང་དང་དེ་རིང་དང་། དུས་རྒྱུན་དུ་འགྱུར་གྱི་མ་རེད། ཁ་སང་དང་དེ་རིང་དང་། དུས་རྒྱུན་དུ་འགྱུར་གྱི་མ་རེད།།
Jesus Christ
-
༡ གཙོ་བོ་ང་ཡི་རྫི་བོ་ལགས། ང་ལ་དགོས་པ་ཅི་ཡང་མེད། རྩྭ་ཁ་ཞིམ་སར་བསྙལ་བར་མཛད། ཆུ་མིག་བཟང་སར་འཁྲིད་པར་མཛད། ༢ ངའི་སེམས་གསོ་ཞིང་ཁོང་ཉིད་ཀྱི། མཚན་གྱི་ཕྱིར་དུ་ལམ་འཕྲེང་སྟོན། འཆི་ཉེན་ཡོད་སར་འགྲོ་དགོས་ཀྱང་། ང་ལ་འཇིགས་པ་གང་ཡང་མེད། ༣ དེ་ནི་ཅིའི་ཕྱིར་ཡིན་ཟེར་ན། ཁྱེད་ཉིད་ང་དང་མཉམ་དུ་བཞུགས། ཁྱེད་ཀྱི་ཕྱག་གི་ཕྱག་འཁར་དེ། ང་ཡི་སེམས་གསོ་ཡིན་པས་སོ། ༤ ངའི་དགྲའི་མདུན་སར་ཁྱེད་ཉིད་ཀྱིས། ང་ལ་དགའ་སྟོན་ཞིག་བཤམས་ནས། ངའི་མགོར་བྱིན་རླབས་ཀྱི་སྣུམ་བྱུགས། ང་ཡི་ཕོར་པ་ལུས་ཙམ་བཀང་། ༥ ཁྱེད་ཀྱི་བཀའ་དྲིན་དང་ཐུགས་རྗེ། ང་ལ་ཚེ་གང་གནས་པར་འགྱུར། ང་རང་གཙོ་བོའི་ཕོ་བྲང་ནང་། རྒྱུན་ནས་རྒྱུན་དུ་གནས་པར་འགྱུར།།
The Lord is My Shepherd
-
དེ་རིང་ཉི་མ་འདི། དེ་རིང་ཉི་མ་འདི། གཙོ་བོས་བཀོད་པ་ཡིན། གཙོ་བོས་བཀོད་པ་ཡིན། ཉིན་མོ་འདི་ལ། ཉིན་མོ་འདི་ལ། ང་ཚོ་དགའ་ཞིང་། ང་ཚོ་སྐྱིད་པོ་བྱེད། དེ་རིང་ཉི་མ་འདི་གཙོ་བོས་བཀོད་པ་ཡིན། འདི་ལ་ང་ཚོ་དགའ་ཞིང་སྐྱིད་པོ་བྱེད། དེ་རིང་ཉི་མ་འདི། དེ་རིང་ཉི་མ་འདི། གཙོ་བོས་བཀོད་པ་ཡིན།།
This Is The Day
-
༡ བསྟོད་དབྱངས་ཕུལ་ཞིག ཡ་ཝེ་ལ་མགུར་གླུ་གསར་པ་ཞིག་ཕུལ་ཞིག དམ་པ་རྣམས་ཀྱི་ཚོགས་ནང་ཁོང་ལ། བསྟོད་པར་གྱིས། ༢ ༢ བསྟོད་དབྱངས་ཕུལ་ཞིག ཡི་སི་རེལ་གྱི་མཛད་པོའི་ནང་དགའ་བར་ཤོག དཀོན་མཆོག་གི་མི་རྣམས་རྒྱལ་པོའི་རྐྱེན་གྱིས། སྐྱིད་པར་ཤོག ༢ ༣ བསྟོད་དབྱངས་ཕུལ་ཞིག གར་རྩེད་ཅིང་ཁོང་གི་མཚན་ལ་བསྟོད་པར་ཤོག རྔ་དང་སྒྲ་སྙན་གྱིས་ཁོང་ལ། བསྟོད་དབྱངས་ཕུལ་ཞིག ། ༢
Offer a Praise Song
-
ཁྱེད་ནི་རྒུན་ཤིང་བདེན་པ། ང་ཚོ་ནི་ཡལ་ག་ཡིན། ང་ཚོ་ཁྱེད་ནང་གནས་པར་ཤོག ༢ ཁྱེད་ཀྱི་བྱམས་པའི་མཚན་ལ། ངེད་ཡར་རྒྱས་ནས་འགྲོ་དུས། དྲག་གསོ་བ་དང་ཐར་པའི་དབང་། ཁྱེད་རང་གི་ཡིན་པ་ནི། འཇིག་རྟེན་པས་ཤེས་ཡོང་།།
You Are The Vine
-
ཁོང་གཙོ་བོ་ལགས། ༢ ཁོང་གྲོངས་པ་ནས་ཡར་ལ་བཞེངས། ཁོང་གཙོ་བོ་ལགས། པུས་མོ་ཀུན་སར་བཙུགས་ཤིང་། མི་ཚང་མས་ཁས་ལེན་་་ཞུས་ནས། ཡེ་ཤུ་གཙོ་བོ་ལགས།།
He Is Lord
-
༡ ཀྱེ། མི་རིགས་ཀུན་ཡ་ཝེར་བསྟོད་སྔོགས་ཤིག ཀྱེ། མི་སྡེ་རྣམས་ཁོང་ལ་བསྟོད་སྔོགས་ཤིག ༢ ངེད་ལ་ཁོང་གི་ཐུགས་རྗེ་ཆེ་ལགས་ཤིང་། ཡ་ཝེའི་བདེན་ཉིད་རྒྱུན་དུ་གནས་པས་སོ། ༣ ཡ་ཧོ་ཝཱ་ལ་བསྟོད་པར་གྱིས་ཤིག་ཨང་།། ༢
Praise the Lord all Peoples