Root/ trace
119
Kyamgon Jeshu
༡ སྐྱབས་མགོན་གཙོ་བོ་ཡེ་ཤུའི་འཁོར་དང་བཅས།།
ཡུལ་གཞན་དུ་ཕེབས་པའི་ལམ་བར་ནས།།
ལོང་བ་ཞིག་དང་འཕྲད་པ་ཡིན།།
ལོང་བ་ཞིག་དང་འཕྲད་པ་ཡིན།།
སྐྱབས་མགོན་ཡེ་ཤུ་མཱ་ཤི་ཀ།
ཁོང་ནི་འཇིག་རྟེན་འོད་ཟེར་ཡིན།།
༢ ཁོང་གི་ཐུགས་སྲས་རྣམས་ཀྱིས་སློབ་དཔོན་ལགས།།
སྐྱེ་བོ་འདི་ནི་ལོང་བ་རེད།།
སྡིག་པ་བྱེད་མཁན་སུ་ཡིན་ཞུས།།
སྡིག་པ་བྱེད་མཁན་སུ་ཡིན་ཞུས།།
༣ ཁོ་དང་ཕ་མའི་ལས་ཀྱི་རྐྱེན་མ་ཡིན།།
ངོ་མཚར་མཛད་པ་དཀོན་མཆོག་གིས།།
ཁོ་ཡི་ལུས་ནས་ཇི་བཞིན་དུ།།
མངོན་ཕྱིར་དེ་ལྟར་བྱུང་བ་ལགས།།
༤ ཉིན་མོའི་དུས་སྐབས་རིང་ལ་མངག་མཁན་གྱི།།
དགོངས་དོན་བཞིན་དུ་སྒྲུབ་དགོས་ཀྱང་།།
ཅི་ཡང་མི་སྒྲུབ་མཚན་མོ་ཞིག།
མྱུར་བ་མྱུར་དུ་སླེབས་པར་ངེས།།
༥ འཇིག་རྟེན་འདི་རུ་བཞུགས་པའི་དུས་སྐབས་རིང་།།
བདག་ནི་འཇིག་རྟེན་འོད་ཟེར་ཡིན།།
དེ་སྐད་ཁོང་གིས་གསུངས་པ་ཡིན།།
དེ་སྐད་ཁོང་གིས་གསུངས་པ་ཡིན།།
༦ དེ་རྗེས་སྐྱབས་མགོན་གཙོ་བོ་ཡེ་ཤུ་ཡིས།།
མཆིལ་མས་བརྫིས་པའི་འདམ་བག་དེ།།
ལོང་བའི་མིག་ལ་བསྐུས་པ་ཡིན།།
ལོང་བའི་མིག་ལ་བསྐུས་པ་ཡིན།།
༧ ཁྱེད་ཀྱིས་སི་ལོ་ཨམ་ཞེས་རྫིང་བུ་ནས།།
ཁྲུས་གྱིས་གསུངས་ཤིང་དེ་བཞིན་དུ།།
མིག་ཟུང་བཀྲུས་པས་མཐོང་བར་གྱུར།།
མིག་ཟུང་བཀྲུས་པས་མཐོང་བར་གྱུར།།
Lonam
119
119