Root/ trace
60
Drawing Near To Bethany
༡ བེད་ཐན་ཡ་དང་ཉེ་བར་ཕེབས་པའི་ཚེ།
རང་གི་ཐུགས་སྲས་གཉིས་ལ་བཀའ་གནང་ནས།
ཁྱོད་ཅག་མདུན་དུ་ཡོད་པའི་སྡེ་བར་སོང་།
བོང་ཕྲུག་བཏགས་པ་བཀྲོལ་ནས་འདིར་ཁྲིད་ཤོག
དཱ་བིད་རིགས་ཀྱི་སྲས་ལ་ཧོ་ཟན་ནཱ།
གཙོ་བོའི་མཚན་ལ་བྱོན་པར་བཀྲ་ཤིས་ཤོག ༢
༢ སུ་ཡིས་ཁྱོད་ལ་ཅིའི་ཕྱིར་འགྲོལ་ཟེར་ན།
གཙོ་བོར་དགོས་སོ་སྨྲས་ན་ངེས་པར་གཏོང་།
གསུངས་པ་བཞིན་དུ་ཐུགས་སྲས་གཉིས་པོས་ཀྱང་།
སྡེ་བ་དེ་རུ་སོང་ནས་བོང་ཕྲུག་རྙེད།
༣ བཀྲོལ་ནས་དེ་ཚོས་གོས་རྣམས་བོང་བུར་བཀལ།
ཁྱེད་ཉིད་རྒྱལ་པོའི་ཚུལ་དུ་བོང་བུར་བཅིབས།
ཐུགས་སྲས་རྣམས་ཀྱང་སྔ་ཕྱི་གཉིས་སུ་འབྲངས།
ལག་ཏུ་ཁ་སུར་ཤིང་གི་ཡལ་ག་བཟུང་།
༤ སྔ་ཕྱི་གཉིས་སུ་ཡོད་པའི་མི་ཚོགས་ཀྱིས།
རང་གི་གོས་དང་ཤིང་གི་ཡལ་ག་རྣམས།
ལམ་དུ་བཀྲམས་ནས་སྐད་སྒྲ་ཆེན་པོ་ཡིས།
ཧོ་ཟན་ནཱ་ཞེས་རྒྱུན་ཆད་མེད་པར་བསྒྲགས།
༥ ཁྱེད་ཀྱིས་ཙི་ཡོན་ཡུལ་གྱི་བུ་མོ་ཚོར།
ལྟོས་དང་ཁྱོད་ཀྱི་རྒྱལ་པོ་སེམས་དུལ་བས།
བོང་ཕྲུག་འདི་ལ་བཅིབས་ནས་ཁྱོད་རྩར་ཕེབས།
ལུང་བསྟན་བསྒྲུབ་ཕྱིར་དེ་ལྟར་བྱུང་ཞེས་གསུངས།
Rev. (Pala) Nyima Tsering
60
60