Root/ trace
60
Drawing Near To Bethany
༡ བེད་ཐན་ཡ་དང་ཉེ་བར་ཕེབས་པའི་ཚེ། རང་གི་ཉེ་གནས་གཉིས་ལ་བཀའ་གནང་ནས། ཁྱེད་ཅག་མདུན་ལ་ཡོད་པའི་ཡུལ་ཚོར་སོང་། བོང་བུ་ཐུར་པུ་བཏགས་པ་བཀྲོལ་ཁྲིད་ཤོག དཱ་བིད་རིགས་ཀྱི་སྲས་ལ་ཧོ་ཟན་ནཱ། གཙོ་བོའི་མཚན་ལ་བྱོན་པར་བཀྲ་ཤིས་ཤོག ༢ ༢ སུ་ཡིས་ཁྱེད་ལ་ཅིའི་ཕྱིར་འགྲོལ་ཟེར་ན། གཙོ་བོར་དགོས་སོ་སྨྲས་ན་ངེས་པར་གཏོང་། གསུངས་པ་བཞིན་དུ་ཉེ་གནས་གཉིས་པོས་ཀྱང་། ཡུལ་ཚོ་དེ་ལ་སོང་ནས་བོང་བུ་རྙེད། ༣ བགྲོལ་ནས་དེ་ཚོས་གོས་རྣམས་བོང་བུར་བཀལ། ཁྱེད་ཉིད་རྒྱལ་པོའི་ཚུལ་དུ་བོང་བུར་བཅིབས། ཉེ་གནས་རྣམས་ཀྱང་སྔ་ཕྱི་གཉིས་སུ་འབྲངས། ལག་ཏུ་ཁ་སུར་ཤིང་གི་ཡལ་ག་བཟུང་། ༤ སྔ་ཕྱི་གཉིས་སུ་ཡོད་པའི་མི་ཚོགས་ཀྱིས། རང་གི་གོས་དང་ཤིང་གི་ཡལ་ག་རྣམས། ལམ་དུ་བཀྲམ་ནས་སྐད་སྒྲ་ཆེན་པོ་ཡིས། ཧོ་ཟན་ནཱ་ཞེས་རྒྱུན་མི་ཆད་པར་བསྒྲགས། ༥ ཁྱེད་ཀྱིས་ཙི་ཡོན་བུ་མོ་རྣམས་ལ་སྨྲོས། ལྟོས་དང་ཁྱེད་ཀྱི་རྒྱལ་པོ་སེམས་དུལ་བས། བོང་བུ་འདི་ལ་བཅིབས་ནས་ཁྱེད་རྩར་ཕེབས། ལུང་བསྟན་བཞིན་དུ་བསྒྲུབ་ཕྱིར་དེ་ལྟར་བྱུང་།།
Rev. (Pala) Nyima Tsering
60
60