Root/ trace
206
Round Dance of Eternal Life
(བརྟན་དུ་རེ་བའི་སྒོར་གཞས།) བུ་དང་བུ་མོ་འདི་རུ་ཕེབས།། རོལ་ཆ་བཏང་ནས་སྒོར་གཞས་རྒྱོབ།། མི་རིགས་ཚང་མ་འདི་རུ་ཕེབས།། མགྱོགས་མྱུར་བསྟོད་དབྱངས་ཕུལ་བར་ཤོག། ༡ རིན་ཆེན་སྐྱབས་མགོན་ཡེ་ཤུ་ལ།། བདུད་ལས་རྒྱལ་ཁ་ཐོབ་ནས་བྱུང་།། འཆི་བའི་གནས་ལས་རྒྱལ་པས་ན།། གྲོངས་ནས་གསོན་པོར་བཞེངས་པ་ཡིན།། ༢ ༢ ཚེ་ཡི་མཐའ་མ་སླེབས་པའི་ཚེ།། འཇིག་རྟེན་ཕྱིར་ལོག་བྱུང་མི་སྲིད།། ཡབ་ཆེན་དཀོན་མཆོག་ཞབས་དྲུང་དུ།། ལམ་དེ་སྐྱབས་མགོན་ཡེ་ཤུ་ཡིན།། ༢ བུ་དང་བུ་མོ་འདི་རུ་ཕེབས།། རོལ་ཆ་བཏང་ནས་སྒོར་གཞས་རྒྱོབ།། མི་རིགས་ཚང་མ་འདི་རུ་ཕེབས།། མགྱོགས་མྱུར་བསྟོད་དབྱངས་ཕུལ་བར་ཤོག། ༣ རང་སེམས་སྡིག་པས་ནག་གྱུར་ཀྱང་།། སྐྱབས་མགོན་ཡེ་ཤུར་སྐྱབས་བཅོལ་ན།། ཁོང་གི་ཐུགས་རྗེས་བསལ་མཛད་ནས།། ཁོང་གིས་ནམ་ཡང་འདོར་མི་ཡོང་།། ༢ ༤ ཉིན་ཞིག་འཇིག་རྟེན་ཁམས་དེ་ནི།། མེ་ཡིས་ཚང་མ་བསྲེག་པ་ཡོང་།། དངོས་པོ་ཚང་མ་མེད་གྱུར་ཀྱང་།། ཡེ་ཤུའི་བཞུགས་ཁྲི་གནས་ངེས་རེད།། ༢ བུ་དང་བུ་མོ་འདི་རུ་ཕེབས།། རོལ་ཆ་བཏང་ནས་སྒོར་གཞས་རྒྱོབ།། མི་རིགས་ཚང་མ་འདི་རུ་ཕེབས།། མགྱོགས་མྱུར་བསྟོད་དབྱངས་ཕུལ་བར་ཤོག། ༢
206
206