Root/ trace
172
Song of Creation
༡ ཀ འཇིག་རྟེན་འདི་བཞིན་མ་བཀོད་སྔོན་ལ།།
འཇིག་རྟེན་འདི་བཞིན་ཅི་འདྲས་བྱུང་།།
འཇིག་རྟེན་བཀོད་མཁན་སུ་ཡིན་ནམ།།
ཐོག་མར་བཀོད་པ་ཅི་ཞིག་ཡིན།།
བཟང་ངན་དབྱེ་བ་ཡོད་དམ་མེད།།
གླུ་ཞིག་བླངས་ནས་དྲིས་པ་ཡིན།།
༢ ཁ འཇིག་རྟེན་འདི་བཞིན་མ་བཀོད་སྔོན་ལ།།
འཇིག་རྟེན་འདི་བཞིན་སྟོང་པ་ཡིན།།
འཇིག་རྟེན་བཀོད་མཁན་དཀོན་མཆོག་ཡིན།།
སྔོན་ལ་བཀོད་པ་ཕོ་ཉ་ཡིན།།
སྐབས་དེར་བཟང་པོ་ཁོ་ན་ལས།།
ངན་པའི་མིང་ཙམ་མེད་པ་ཡིན།།
༣ ཀ འཇིག་རྟེན་འདི་བཞིན་མ་བཀོད་སྔོན་ལ།།
རྒྱུག་ཆུ་རྒྱ་མཚོ་ཅི་ཡང་མེད།།
ས་གཞི་ཆེན་པོ་ཅི་འདྲས་བྱུང་།།
རྒྱ་མཚོ་ཆེན་པོ་ཅི་འདྲས་བྱུང་།།
རྩྭ་དང་རྩི་ཤིང་ཅི་འདྲས་བྱུང་།།
གླུ་ཞིག་བླངས་ནས་དྲིས་པ་ཡིན།།
༤ ཁ འཇིག་རྟེན་འདི་བཞིན་མ་བཀོད་སྔོན་ལ།།
རྒྱུག་ཆུ་རྒྱ་མཚོ་ཅི་ཡང་མེད།།
མཚོ་དང་མཚེའུ་ཅི་ཡང་མེད།།
དཀོན་མཆོག་བཀའ་བཞིན་ས་གཞི་བྱུང་།།
རྩྭ་དང་རྩི་ཤིང་སྐྱེ་རུ་བཅུག།
རྒྱ་མཚོ་ཆེན་པོའི་ངོ་བོ་བྱུང་།།
༥ ཀ འཇིག་རྟེན་འདི་བཞིན་མ་བཀོད་སྔོན་ལ།།
ཉི་ཟླ་སྐར་གསུམ་ཅི་ཡང་མེད།།
ས་དང་རྒྱུ་སྐར་ཅི་ཡང་མེད།།
ཉི་ཟླ་སྐར་གསུམ་ཅི་འདྲས་བྱུང་།།
འདི་ཡི་མཛད་མཁན་སུ་ཡིན་ནམ།།
གླུ་ཞིག་བླངས་ནས་དྲིས་པ་ཡིན།།
༦ ཁ འཇིག་རྟེན་འདི་བཞིན་མ་བཀོད་སྔོན་ལ།།
ས་དང་རྒྱུ་སྐར་ཅི་ཡང་མེད།།
ཉི་མ་ཟླ་བ་གང་ཡང་མེད།།
ཉི་ཟླ་སྐར་གསུམ་མཛད་མཁན་དེ།།
བླ་ན་མེད་པའི་དཀོན་མཆོག་ཡིན།།
ཁོང་གི་བཀའ་བཞིན་ཐམས་ཅད་བསྐྲུན།།
༧ ཀ འཇིག་རྟེན་འདི་བཞིན་མ་བཀོད་སྔོན་ལ།།
དུད་འགྲོ་ཕྱུགས་དང་རི་དྭགས་མེད།།
ས་ལ་གནས་པའི་འབུ་སྲིན་མེད།།
འབུ་སྲིན་ཐམས་ཅད་ཅི་འདྲས་བྱུང་།།
བྱ་དང་ཉ་རིགས་ཅི་འདྲས་བྱུང་།།
གླུ་ཞིག་བླངས་ནས་དྲིས་པ་ཡིན།།
༨ ཁ འཇིག་རྟེན་འདི་བཞིན་མ་བཀོད་སྔོན་ལ།།
དུད་འགྲོ་ཕྱུགས་དང་རི་དྭགས་མེད།།
ས་ལ་གནས་པའི་འབུ་སྲིན་མེད།།
བྱ་དང་ཉ་རིགས་གང་ཡང་མེད།།
དཀོན་མཆོག་བཀའ་ལས་དེ་དག་བྱུང་།།
རང་རང་རིགས་བཞིན་འཕེལ་དུ་བཅུག།
༩ ཀ འཇིག་རྟེན་འདི་བཞིན་མ་བཀོད་སྔོན་ལ།།
ཁྱོད་ནི་མེད་ལ་ང་ཡང་མེད།།
འཇིག་རྟེན་མིའི་རིགས་སུ་ཡིས་བཀོད།།
ཕོ་མོའི་དབྱེ་བ་ཅི་འདྲས་བྱུང་།།
མི་ཡི་ལས་དོན་གང་ཡིན་ཤོད།།
གླུ་ཞིག་བླངས་ནས་དྲིས་པ་ཡིན།།
༡༠ ཁ འཇིག་རྟེན་འདི་བཞིན་མ་བཀོད་སྔོན་ལ།།
ཁྱོད་ནི་མེད་ལ་ང་ཡང་མེད།།
དཀོན་མཆོག་ཁོང་གིས་མིའི་རིགས་བཀོད།།
འཇིག་རྟེན་ཁམས་འདི་སྐྱོང་རྒྱུའི་ཕྱིར།།
ཁོང་གིས་སྔོན་ལ་ཕོ་ཞིག་བསྐྲུན།།
སྐྱེས་པ་དེ་ལ་ཆུང་མ་བསྐྲུན།།
172
172