Root/ trace
172
Song of Creation
༡ ཀ འཇིག་རྟེན་འདི་བཞིན་མ་བཀོད་སྔོན།། འཇིག་རྟེན་འདི་བཞིན་ཇི་ལྟར་ཆགས།། འཇིག་རྟེན་འགོད་མཁན་སུ་ཡིན་ནམ།། ཐོག་མར་བཀོད་པ་ཅི་ཞིག་ཡིན།། བཟང་ངན་དབྱེ་བ་ཡོད་དམ་མེད།། གླུ་ཞིག་བླངས་ནས་དྲིས་པ་ཡིན།། ༢ ཁ འཇིག་རྟེན་འདི་བཞིན་མ་བཀོད་སྔོན།། འཇིག་རྟེན་འདི་བཞིན་སྟོང་བ་ཡིན།། འཇིག་རྟེན་འགོད་མཁན་དཀོན་མཆོག་ཡིན།། སྔོན་ལ་བཀོད་པ་ཕོ་ཉ་ཡིན།། སྐབས་དེར་བཟང་པོ་ཁོ་ན་ལས།། ངན་པའི་མིང་ཙམ་མེད་པ་ཡིན།། ༣ ཀ འཇིག་རྟེན་འདི་བཞིན་མ་བཀོད་སྔོན།། ཆུ་བོ་རྒྱ་མཚོ་ཅི་ཡང་མེད།། ས་གཞི་ཆེན་པོ་ཇི་ལྟར་ཆགས།། རྒྱ་མཚོ་ཆེན་པོ་ཇི་ལྟར་བྱུང་།། རྩྭ་དང་རྩི་ཤིང་ཇི་ལྟར་བྱུང་།། གླུ་ཞིག་བླངས་ནས་དྲིས་པ་ཡིན།། ༤ ཁ འཇིག་རྟེན་འདི་བཞིན་མ་བཀོད་སྔོན།། ཆུ་བོ་རྒྱ་མཚོ་ཅི་ཡང་མེད།། མཚོ་དང་མཚེའུ་ཅི་ཡང་མེད།། དཀོན་མཆོག་བཀའ་བཞིན་ས་གཞི་བྱུང་།། རྩྭ་དང་རྩི་ཤིང་སྐྱེས་སུ་བཅུག། རྒྱ་མཚོ་ཆེན་པོའི་ངོ་བོ་བྱུང་།། ༥ ཀ འཇིག་རྟེན་འདི་བཞིན་མ་བཀོད་སྔོན།། ཉི་ཟླ་སྐར་གསུམ་ཅི་ཡང་མེད།། ས་དང་རྒྱུ་སྐར་ཅི་ཡང་མེད།། ཉི་ཟླ་སྐར་གསུམ་ཇི་ལྟར་བྱུང་།། འདི་ཡི་མཛད་མཁན་སུ་ཡིན་ནམ།། གླུ་ཞིག་བླངས་ནས་དྲིས་པ་ཡིན།། ༦ ཁ འཇིག་རྟེན་འདི་བཞིན་མ་བཀོད་སྔོན།། ས་དང་རྒྱུ་སྐར་ཅི་ཡང་མེད།། ཉི་མ་ཟླ་བ་གང་ཡང་མེད།། ཉི་ཟླ་སྐར་གསུམ་མཛད་མཁན་དེ།། བླ་ན་མེད་པའི་དཀོན་མཆོག་ཡིན།། ཁོང་གི་བཀའ་བཞིན་ཐམས་ཅད་བསྐྲུན།། ༧ ཀ འཇིག་རྟེན་འདི་བཞིན་མ་བཀོད་སྔོན།། དུད་འགྲོ་ཕྱུགས་དང་རི་དྭགས་མེད།། ས་ལ་གནས་པའི་འབུ་སྲིན་མེད།། འབུ་སྲིན་ཐམས་ཅད་ཇི་ལྟར་བྱུང་།། བྱ་དང་ཉ་རིགས་ཇི་ལྟར་བྱུང་།། གླུ་ཞིག་བླངས་ནས་དྲིས་པ་ཡིན།། ༨ ཁ འཇིག་རྟེན་འདི་བཞིན་མ་བཀོད་སྔོན།། དུད་འགྲོ་ཕྱུགས་དང་རི་དྭགས་མེད།། ས་ལ་གནས་པའི་འབུ་སྲིན་མེད།། བྱ་དང་ཉ་རིགས་གང་ཡང་མེད།། དཀོན་མཆོག་བཀའ་ལས་དེ་དག་བྱུང་།། རང་རང་རིགས་བཞིན་འཕེལ་དུ་བཅུག། ༩ ཀ འཇིག་རྟེན་འདི་བཞིན་མ་བཀོད་སྔོན།། ཁྱོད་ནི་མེད་ལ་ང་ཡང་མེད།། འཇིག་རྟེན་མིའི་རིགས་སུ་ཡིས་བཀོད།། ཕོ་མོའི་དབྱེ་བ་ཇི་ལྟར་བྱུང་།། མི་ཡི་ལས་དོན་གང་ཡིན་ཤོད།། གླུ་ཞིག་བླངས་ནས་དྲིས་པ་ཡིན།། ༡༠ ཁ འཇིག་རྟེན་འདི་བཞིན་མ་བཀོད་སྔོན།། ཁྱོད་ནི་མེད་ལ་ང་ཡང་མེད།། དཀོན་མཆོག་ཁོང་གིས་མིའི་རིགས་བཀོད།། འཇིག་རྟེན་ཁམས་འདི་སྐྱོང་བའི་ཕྱིར།། ཁོང་གིས་སྔོན་ལ་ཕོ་ཞིག་མཛད།། སྐྱེས་པ་དེ་ལ་ཆུང་མ་མཛད།།
172
172