Root/ trace
97
Ephesians 1:3-14
༼ཀློག་པ་པོ།༽
སེམས་ནས་སྐྱབས་མགོན་ཡེ་ཤུ་ལ།།
དད་ན་ཐར་བ་ཐོབ་ངེས་རེད།།
དེའི་སྐོར་གསལ་པོར་རྟོགས་པའི་ཕྱིར།།
ཚིག་བཅད་འདི་རྣམས་ཀློག་རོགས་གནང་།།
༼མཉམ།༽
༡ སྐྱབས་མགོན་ཡེ་ཤུ་མ་ཤི་ཀའི།།
དཀོན་མཆོག་ཡབ་ལ་བསྟོད་བསྔགས་བརྗོད།།
སྐྱབས་མགོན་ཡེ་ཤུ་མ་ཤི་ཀའི།།
དཀོན་མཆོག་ཡབ་ལ་བསྟོད་བསྔགས་བརྗོད།།
༢ མ་ཤི་ཀའི་ངང་དཀོན་མཆོག་དྲུང་།།
སྐྱོན་མེད་དམ་པར་འགྱུར་བའི་ཕྱིར།།
འཇིག་རྟེན་མ་བཀོད་སྔོན་རོལ་དུ།།
མ་ཤི་ཀའི་ནང་ང་ཚོ་བདམས།།
༣ ཉིད་ཀྱི་བྱམས་བརྩེའི་དགོངས་པ་བཞིན།
ཡེ་ཤུ་མ་ཤི་ཀ་བརྒྱུད་ནས།།
ཁོང་གི་སྲས་སུ་རང་ཅག་རྣམས།།
འགྱུར་བར་གདོད་ནས་ཐུགས་ཐག་བཅད།།
༤ ཐུགས་རྗེ་དཔག་ཏུ་མེད་པ་ཡི།།
ཡེ་ཤུའི་སྐུ་ཁྲག་བཞུར་བརྒྱུད་ནས།།
ཐར་བ་ང་ཚོར་གནང་བ་སྟེ།།
སྡིག་ཉེས་ཐམས་ཅད་བསལ་བར་མཛད།།
༥ སྐྱབས་མགོན་ཡེ་ཤུ་མ་ཤི་ཀའི།།
དཀོན་མཆོག་ཡབ་ལ་བསྟོད་བསྔགས་བརྗོད།།
སྐྱབས་མགོན་ཡེ་ཤུ་མ་ཤི་ཀའི།།
དཀོན་མཆོག་ཡབ་ལ་བསྟོད་བསྔགས་བརྗོད།།
༦ ཁོང་ལ་དབང་བའི་དུས་ཐོན་ཚེ།།
གནམ་ས་གཉིས་ཀྱི་གནས་པ་ཀུན།།
མ་ཤི་ཀ་ཡི་དབང་ལ་བསྡུ།།
ཉིད་ཀྱི་དགོངས་པ་སྒྲུབ་པར་འགྱུར།།
༧ ཐར་བའི་འཕྲིན་བཟང་བདེན་པའི་བཀའ།།
ཐོས་ནས་དད་པ་ཁྱེད་རྣམས་ལའང་།།
ཞལ་གྱིས་བཞེས་པའི་ཐུགས་ཉིད་ཀྱི།།
ཕྱག་རྒྱ་བཏབ་པར་མཛད་པའོ།།
༨ དེ་ནི་ཐར་བའི་རེ་བ་དེ།།
ང་ཚོར་ཐོབ་པའི་གཏའ་མ་ཡིན།།
དཀོན་མཆོག་དཔལ་ལ་བསྟོད་བསྔགས་བརྗོད།།
དཀོན་མཆོག་དཔལ་ལ་བསྟོད་བསྔགས་བརྗོད།།
97
97