Root/ trace
96
John 1:1- 18
༼འགོ༽
སྐྱབས་མགོན་ཡེ་ཤུའི་མཚན་ཞིག་ནི།
དཀོན་མཆོག་ཉིད་ཀྱི་བཀའ་དེ་ཡིན།
བཀའ་དེ་སྐོར་ནི་གང་ཞེ་ན།
མགུར་གླུ་འདི་ལ་ཉན་རོགས་གནང་།
༼མཉམ༽
༡ ཐོག་མར་བཀའ་ཡོད་ལགས་པ་དང་།
བཀའ་དེ་དཀོན་མཆོག་མཉམ་དུ་བཞུགས།
བཀའ་དེ་དཀོན་མཆོག་ལགས་པ་དང་།
གདོད་ནས་དཀོན་མཆོག་མཉམ་དུ་བཞུགས།
༢ དངོས་པོ་ཐམས་ཅད་བཀའ་དེས་མཛད།
ཁོང་མེད་ཅི་ཡང་མ་བྱུང་ངོ་།།
ཁོང་གི་ནང་ན་གསོན་པ་སྟེ།
གསོན་པ་མི་ཡི་འོད་དེ་ཡིན།
༣ དཀོན་མཆོག་ཉིད་ཀྱི་བཀའ་དེ་ལ།
ང་ཚོས་སེམས་ནས་བསྟོད་པ་འབུལ།
སྐྱབས་མགོན་གཙོ་བོ་ཡེ་ཤུ་ལ།
དགའ་སྤྲོའི་བསྟོད་དབྱངས་འདི་འབུལ་ལོ།།
༤ འོད་དེ་མུན་པའི་ནང་དུ་ཤར།
མུན་པས་གནན་པར་མ་ནུས་སོ།།
བཀའ་དེ་སྐུ་ལུས་ལྡན་པར་གྱུར།
ང་ཚོའི་ཁྲོད་དུ་བཞུགས་མཛད་དོ།།
༥ ཡབ་ནས་བྱུང་བའི་སྲས་གཅིག་པོ།
ཐུགས་རྗེ་དང་བདེན་པས་གང་བ་ཡི།
གཟི་བརྗིད་ཁོ་ན་ང་ཚོས་མཐོང་།
གཟི་བརྗིད་ཁོ་ན་ང་ཚོས་མཐོང་།
༦ དཀོན་མཆོག་ཉིད་ཀྱི་བཀའ་དེ་ལ།
ང་ཚོས་སེམས་ནས་བསྟོད་པ་འབུལ།
སྐྱབས་མགོན་གཙོ་བོ་ཡེ་ཤུ་ལ།
དགའ་སྤྲོའི་བསྟོད་དབྱངས་འདི་འབུལ་ལོ།།
96
96